Belemgbunlililɛ Azonvolɛ, Bɛhɔ Bɛ Nyunlu!
1. Kɔ ɛ nyunlu ka Edwɛkpa ne
Kile menli amuala.
Nyia menli nwo ɛlɔlɛ kpole
Na boa bɛlɛvoma.
Yɛ nye die kɛ yɛnyia adenle
Yɛlɛdi menli daselɛ.
Yemɔti kɔha Edwɛkpa ne;
Bɔ Nyamenle duma nolo.
(NLIEZO)
Bɛhɔ bɛ nyunlu na bɛha
Edwɛkpa ne bɛhile.
Bɛhɔ, bɛli nɔhalɛ
bɛgyinla Gyihova afoa.
2. Azonvolɛ bɛhɔ bɛ nyunlu.
Bɛnlea ahatualɛ ne.
Bɛzukoa yɛ Menle Gyisɛse
Bɛnyia ahonle kpalɛ.
Yɛbɔ Belemgbunlililɛ ne
Edwɛkpa ne nolo dahuu.
Yɛbɔ ye nolo mɔɔ yɛnzulo;
Gyihova ɛmaa yɛ tumi!
(NLIEZO)
Bɛhɔ bɛ nyunlu na bɛha
Edwɛkpa ne bɛhile.
Bɛhɔ, bɛli nɔhalɛ
bɛgyinla Gyihova afoa.
3. Menli mɔɔ bɛkpokpa bɛ, bɛhɔ;
Mboane gyɛne, bɛdoa bɛ.
Mgbanyinli nee ngakula muala,
Bɛzukoa nɔhalɛ ne.
Yɛ ɛzonlenlɛ nwo te kpalɛ;
Ɔvi ahonle muala nu.
Bɛmaa yɛva subane kpalɛ
Mɔɔ anwo te la yɛzonle.
(NLIEZO)
Bɛhɔ bɛ nyunlu na bɛha
Edwɛkpa ne bɛhile.
Bɛhɔ, bɛli nɔhalɛ
bɛgyinla Gyihova afoa.
(Eza nea Edw. 23:4; Gyi. 4:29, 31; 1 Pita 2:21.)