“Adenle Ne Ɛne”
1. Adenle bie wɔ ‘kɛ,
Anzondwolɛ wɔ zo.
Wɔzukoa wɔnwu ye,
Yemɔti sɔ nu boɛ.
Yɛ Awulae hilele,
ɛnɛ wɔnwu ye.
Anzondwolɛ wɔ zo,
Ɔwɔ Baebolo nu.
(NLIEZO)
Adenle ne, Ngoane adenle,
Ɔwɔ ɛke; Fa zo kɔ ɛ nyunlu!
Nyamenle se, ‘Adenle ne ɛne,
Mmasia ɛ nzi; O adenle ne ɛne.’
2. Adenle bie wɔ ‘kɛ,
Ɛlɔlɛ adenle.
Nyamenle ɛboa yɛ,
Yɛnwu adenle ne.
Nyamenle le kpalɛ
Yɛɛ ɔlɛ ɛlɔlɛ.
Ɛlɔlɛ adenle,
Ɔka yɛ ɛbɛla.
(NLIEZO)
Adenle ne, Ngoane adenle,
Ɔwɔ ɛke; Fa zo kɔ ɛ nyunlu!
Nyamenle se, ‘Adenle ne ɛne,
Mmasia ɛ nzi; O adenle ne ɛne.’
3. Adenle bie wɔ ‘kɛ
Mɔɔ ɔkɔ ngoane nu.
Tumivolɛ ne se:
Anzondwolɛ wɔ zo,
Ɛlɔlɛ wɔ ɛkɛ,
Ɔnlɛ ye ɛsaso.
Ngoane adenle
Vi Nyamenle ɛkɛ.
(NLIEZO)
Adenle ne, Ngoane adenle,
Ɔwɔ ɛke; Fa zo kɔ ɛ nyunlu!
Nyamenle se, ‘Adenle ne ɛne,
Mmasia ɛ nzi; O adenle ne ɛne.’
(Eza nea Edw. 32:8; 139:24; Mrɛ. 6:23.)