‘Boa Menli Mɔɔ Ɛnlɛ Anwosesebɛ’

1. Yɛ muala yɛtɔ sinli,

Yɛ nwo ɛnyɛ se.

Gyihova dwenle yɛ nwo

Yɛɛ ɔkulo yɛ.

Ɔse anwunvɔne,

Yɛɛ ɔlɛ ɛlɔlɛ.

Bɛmaa yɛhulo menli,

Na yɛboa bɛ.

2. Pɔɔlo lile nyane kɛ

Yɛ nwo ɛnyɛ se.

Gyisɛs’ ɛva ye mogya

Ɛlie yɛ ngoane.

Ɔ Ze maa bɛtɛɛma

Nyia anwosesebɛ.

Ɔse bɛ anwunvɔne,

Ɔkyikyi monle.

3. Menli mɔɔ anwo ’nyɛ se,

Bɛmaa yɛboa bɛ.

Yɛyɛ nyele, yɛmaa bɛ

Anwosesebɛ

Na yɛbɔ mɔdenle

Yɛkyekye bɛ rɛle.

Yɛkɔ zo yɛboa bɛ a,

Bɛ nwo bayɛ se.