KPUYA 17
Kɛ ɔkɛyɛ na Baebolo ne aboa wɔ abusua ne ɛ?
KUNLIMA/SELƐMA
“Zɔhane ala a ɔwɔ kɛ kunlima kulo bɛ ye mɔ kɛ bɛ nwo a. Nrenyia mɔɔ kulo ɔ ye la kulo ɔdaye ɔ nwo, ɔluakɛ awie biala ɛmkpɔ ye sonlabaka ne, emomu ɔdi ye adane na ɔnea ye boɛ . . . Ɔwɔ kɛ bɛ nuhua ko biala kulo ɔ ye kɛ ɔdaye ɔ nwo la.”
“Selɛma, bɛmmaka bɛ mra ɛya, emomu bɛhɔ zo bɛva Gyihova folɛdulɛ nee ye ngilehilelɛ bɛtete bɛ.”
YELƐMA
“Ɔwɔ kɛ . . . yelɛ noko nyia ɛbulɛ kpole maa ɔ hu.”
“Yelɛma, bɛbɛlɛ bɛ nwo aze bɛmaa bɛ hu mɔ kɛ mɔɔ ɔfɛta wɔ Awulae anu la.”
NGAKULA
“Ngakula, bɛdie bɛ awovolɛ wɔ Awulae ati, ɔluakɛ ɛhye a le kpalɛ wɔ Nyamenle anye zo a. ‘Di wɔ papa nee wɔ mame eni’ a le mɛla mɔɔ limoa mɔɔ ɛwɔkɛ wɔ nwo a: ‘Amaa yeawie wɔ boɛ na wɔahyɛ azɛlɛ ye azo.’”
“Ngakula, bɛdie bɛ awovolɛ wɔ debie biala anu, ɔluakɛ ɛhye a sɔ Awulae anye a.”