KPUYA 5
Duzu edwɛkɛ a wɔ Baebolo ne anu a?
“Mebava ɛkpɔlɛ meado ɛdawɔ nee raalɛ ne, yɛɛ ɛ ra nee raalɛ ne ara avinli. Ɔbabɛtɛ ɛ ti na wɔaha ɔ gyakɛ anzi.”
“Ɔlua ɛ ra ne anwo zo, azɛlɛ ne azo maanle maanle kɔsɔɔti banyia nyilalɛ, ɔluakɛ wɔdie me ne.”
“Wɔ Belemgbunlililɛ ɛrɛla. Wɔ ɛhulolɛdeɛ ɛyɛ ɛkɛ wɔ azɛlɛ ye azo kɛ anwuma la.”
“Ɔluakɛ ɔnrɛhyɛ biala Nyamenle mɔɔ maa anzodwolɛ la babɛtɛ Seetan wɔ bɛ gyakɛ abo.”
“Saa bɛfa ninyɛne kɔsɔɔti bɛwula ɔ gyakɛ abo a, akee Ralɛ mumua ne noko bava ɔ nwo awula Mɔɔ vale ninyɛne kɔsɔɔti wulale ɔ gyakɛ abo la abo, na Nyamenle ali ninyɛne kɔsɔɔti azo tumi.”
“Ebileham nee ɔ ra ne a bɛbɔle bɛ ɛwɔkɛ a . . . , yemɔ a le Kelaese. Bieko, saa bɛle Kelaese ɛdeɛ a, ɛnee amgba bɛle Ebileham abozoamra.”
“Ewiade belemgbunlililɛ ne ɛyɛ yɛ Awulae nee ye Kelaese ne Belemgbunlililɛ, na ɔbali belemgbunli dahuu.”
“Yemɔti bɛvuandinle ɛwɔlɛ kpole ne bɛdole aze, mɔmoane ɛwɔlɛ ne mɔɔ bɛfɛlɛ ye Abɔnsam nee Seetan, mɔɔ ɛlɛbɛlɛbɛla azɛlɛ ye azo amra amuala la; bɛvuandinle ye bɛdole azɛlɛ ye azo, na bɛvuandinle ye anwumabɔvolɛ ne mɔ bɛbokale ɔ nwo bɛguale aze.”
“Ɔhyele ɛwɔlɛ ne, mɔmoane ɛwɔlɛ ne, mɔɔ yemɔ a le Abɔnsam nee Seetan la, na ɔkyekyele ye ɛvolɛ 1,000.”