KPUYA 2
Kɛ ɔkɛyɛ na wɔazukoa Nyamenle anwo debie ɛ?
“Mmamaa Mɛla buluku ɛhye fi ɛ nloa anu, emomu ɔwɔ kɛ ɛkenga na ɛdwenledwenle nwo alehyenlɛ nee aledwolɛ, amaa wɔanlea wɔali debie biala mɔɔ bɛhɛlɛ ye wɔ nu la azo; ɛhye bamaa yeawie wɔ boɛ na wɔabɔ wɔ ɛbɛla nrɛlɛbɛ nu.”
“Bɛdoale zo bɛgengale buluku ne mɔɔ nɔhalɛ Nyamenle ne Mɛla ne wɔ nu la kpole, bɛhilehilele nu kpalɛ bɛmaanle nuhua lale ɛkɛ ne wienyi; yemɔti bɛboale menli ne bɛmaanle bɛdele mɔɔ bɛgengale la abo.”
“Anyelielɛ a le sonla ne mɔɔ ɛnli amumuyɛma folɛdulɛ nzi, . . . emomu ɔ nye die Gyihova mɛla ne anwo, na ɔkenga Ye mɛla ne na ɔdwenledwenle nwolɛ alehyenlɛ nee aledwolɛ. . . . Debie biala mɔɔ ɔyɛ la bawie boɛ.”
“Felepe nriandile hɔle nwolɛ na ɔdele kɛ ɔlɛkenga ngapezonli Ayezaya buluku ne kpole, na ɔbizale ye kɛ: ‘Asoo ɛte mɔɔ ɛlɛkenga la abo?’ Ɔzele kɛ: ‘Saa awie angile me a, kɛ ɔkɛyɛ na meade ɔ bo ɛ?’”
“Bɛnwu ye subane ne mɔ mɔɔ ɛnyelɛ ɛnnwu bɛ la wienyi ɔvi mekɛ mɔɔ ɔbɔle ewiade la, ɔluakɛ bɛdua ninyɛne mɔɔ ɔbɔle la azo bɛnwu ye, bɔbɔ ye tumi ne mɔɔ wɔ ɛkɛ ne dahuu la nee ye Nyamenleyɛlɛ ne, yemɔti bɛnlɛ nyelebɛnloa biala.”
“Dwenledwenle ɛhye mɔ anwo; tu ɛ nwo maa bɛ bɔkɔɔ, amaa menli kɔsɔɔti anwu wɔ anyuhɔlɛ ne wienyi.”
“Bɛmaa yɛzuzu yɛ nwo ngoko amaa yɛamaa yɛ nwo anwosesebɛ yɛahɔ ɛlɔlɛ nee gyima kpalɛ ɛyɛlɛ nu, bɛmmamaa yɛgyakyi kɛ yɛkɛhɔ yɛ nyianu ne mɔ.”
“Saa bɛ nuhua bie hyia nrɛlɛbɛ a, bɛmaa ɔhɔ zo ɔbiza Nyamenle, ɔluakɛ ɔfi atiakunlukɛnlɛma nu ɔmaa menli kɔsɔɔti debie mɔɔ ɔnva nwolɛ ɛya a, na ɔbava yeamaa ye.”