Nyamenle Edwɛkɛ Ne Mukenye

Nyamenle nrɛlaleɛ anzɛɛ ye edwɛkɛ mɔɔ ɔlɛ ɔmaa yɛ ɛnɛ la a wɔ Baebolo ne anu a. Ɔkile yɛ kɛzi ɔwɔ kɛ yɛbɔ yɛ ɛbɛla na yeawie yɛ boɛ nee kɛzi yɛbanyia Nyamenle anyunlu ɛlolɛ la. Eza ɔbua kpuya ɛhye mɔ:

1. Nyamenle a le nwane?
2. Kɛ ɔkɛyɛ na wɔazukoa Nyamenle anwo debie ɛ?
3. Nwane a hɛlɛle Baebolo ne a?
4. Asoo mɔɔ Baebolo ne ka la nee mɔɔ abɔdeɛ nwo nrɛlɛbɛ ka la le ko?
5. Duzu edwɛkɛ a wɔ Baebolo ne anu a?
6. Duzu a Baebolo ne hanle ye wɔ Mɛzaya ne anwo a?
7. Duzu a Baebolo ne ka ye wɔ yɛ mekɛ ye anwo a?
8. Asoo Nyamenle di alesama amaneɛnwunlɛ nwo ɛzonle?
9. Duzu ati a alesama nwu amaneɛ a?
10. Kenle bie nwo ɛwɔkɛ boni a wɔ Baebolo ne anu a?
11. Saa awie wu a ɔkɔ ni?
12. Anyelazo boni a yɛbahola yɛanyia wɔ mowuamra anwo a?
13. Duzu a Baebolo ne ka ye wɔ gyima nwo a?
14. Kɛ ɔkɛyɛ na wɔanlea wɔ ninyɛne zo boɛ ɛ?
15. Kɛ ɔkɛyɛ na wɔanyia anyelielɛ ɛ?
16. Kɛ ɔkɛyɛ na wɔagyinla adwenleadwenle nloa ɛ?
17. Kɛ ɔkɛyɛ na Baebolo ne aboa wɔ abusua ne ɛ?
18. Kɛ ɔkɛyɛ na wɔabikye Nyamenle ɛ?
19. Duzu edwɛkɛ a wɔ Baebolo mbuluku ne mɔ anu a?
20. Kɛ ɔkɛyɛ na wɔanyia wɔ Baebolo ɛgengalɛ ne azo nvasoɛ kpalɛ ɛ?

KƐZI ƐBANWU NGƐLƐLERA BIE WƆ BAEBOLO NE ANU LA

Mbuluku ngyikyi 66 a bɛha bɛbɔ nu bɛyɛ Baebolo ne a. Bɛhyɛ nu nwiɔ: Hibulu-Elam Aneɛ Ngɛlɛlera ne (“Ngyekyeleɛ Dɛba”) yɛɛ Kilisiene Giliki Ngɛlɛlera ne (“Ngyekyeleɛ Fofolɛ”). Bɛhyehyɛ buluku ko biala anu bɛyɛ ye adile nee ngyehyɛnu. Saa ɛnwu ngɛlɛlera bie a, nɔma ne mɔɔ limoa mɔɔ doa Baebolo buluku ne la kile tile ne, yɛɛ nɔma bieko mɔɔ doa ye la kile ngyɛnu anzɛɛ ngyehyɛnu ne mɔ. Kɛ neazo la, Gyɛnɛsese 1:1, kile Gyɛnɛsese ati 1, ngyɛnu 1.