MAEKA
1 Wɔ Dwuda arelemgbunli+ Dwotam,+ Ehaze+ nee Hɛzikaya+ mekɛ zo, Gyihova edwɛkɛ ne rale Maeka*+ mɔɔ vi Molɛhyɛte la ɛkɛ, na ɔnwunle ɛnyelɛzodeɛnwunlɛ mɔɔ fale Samɛlea nee Gyɛlusalɛm anwo la kɛ:
2 “Maanle maanle kɔsɔɔti, bɛdie!
O azɛlɛ nee ninyɛne mɔɔ wɔ zo, bɛyɛ ɛnzolɛ,
Na bɛmaa Tumivolɛ Awulae Gyihova ɛli daselɛ ɛtia bɛ+
—wɔ Gyihova ɛzonlenlɛsua nwuanzanwuanza ne anu lɔ.
3 Ɔluakɛ nea! Gyihova vi ɛleka mɔɔ ɔde la ɔlɛba;
Ɔbadwu aze na yeatietia azɛlɛ ye azo ɛzonlenlɛ ɛleka ne mɔ* azo.
4 Awoka ne mɔ baholo wɔ ɔ gyakɛ abo,+
Na mbɔnza ne mɔ anu bakpakyekpakye
Kɛ wolɛ ndɛlamoa mɔɔ senle ɛha ye,
Kɛ nzule mɔɔ bɛwola bɛgua boka senze zo la.
5 Ɛhye mɔ amuala ɛzi ɔlua Gyekɔbo atuadelɛ ne ati,
Ɔlua Yizilayɛma ɛtane ne mɔ ati.+
Gyekɔbo atuadelɛ ne a le duzu?
Asoo tɛ Samɛlea ɔ?+
Na nienwu a Dwuda ɛzonlenlɛ ɛleka ne mɔ* wɔ a?+
Asoo tɛ Gyɛlusalɛm ɔ?
6 Mebamaa Samɛlea ayɛ suakpole mɔɔ ɛzɛkye,
Ɛleka mɔɔ bɛdua vanye la;
Mebavuandi* ye awolɛ ne mɔ meagua bɔnza nu,
Na meaza ye adiabo ne mɔ meagua zo.
7 Bɛbabubu ye ananze ne mɔ kɔsɔɔti anu azinli azinli,+
Bɛbayela ahatualɛ mɔɔ ɔnyianle ye wɔ tuutuubɔlɛ nu la amuala wɔ senle nu.+
Mebazɛkye ye ananze ne mɔ amuala.
Ɔluakɛ ɔluale tuutuubɔlɛ zo a ɔnyianle bɛ a,
Na eza bɛbava bɛadua tuutuubɔlɛ nwo kakɛ.”
Mebazu alɔbɔlɛ ɛzunlɛ kɛ ɛzonlɛ la,
Na meali nyane kɛ soholo la.
Ye ngyegyelɛ ne ɛdɛlɛ too yeradwu me menli ne anlenkɛ kpole ne anloa, yeradwu Gyɛlusalɛm.+
10 “Bɛmmabɔ ye nolo wɔ Gate;
Bɛmmasu fee.
Bɛhundohundo bɛ nwo ɛnwea nu wɔ Bɛte-afela.*
11 O Hyeefɛma, bɛlɛ bɛ nwo zɔ na bɛva nyiane bɛdu bɛvi ɛkɛ.
Zeeyanama ɛtɛfindele.
Bɛbazu alɔbɔlɛ ɛzunlɛ wɔ Bɛte-yizɛle, na ɔnrɛboa bɛ bieko.
12 Meloma ɛlɛkendɛ mɔɔ le kpalɛ la,
Noko ɛtane a vi Gyihova ɛkɛ ɛra Gyɛlusalɛm anlenkɛ kpole ne anloa a.
13 O Leekehyema,*+ bɛva bɛ konle ehwili ne mɔ bɛsosɔ mgbɔnwɔ ne mɔ.
Bɛdabɛ a bɛmaanle Zayɔn ara raalɛ ne yɛle ɛtane a,
14 Yemɔti a saa Molɛhyɛte-gate ɛlɛkɔ a ɛbamaa ye ahyɛlɛdeɛ la.
Ɛnee Akezebe+ azua ne mɔ le mɛlɛbɛla debie maa Yizilayɛ arelemgbunli.
15 O Malihyaama,+ bɔ zo mɔɔ mebamaa awie mɔɔ bali bɛ nwo zo konim* la ara a.+
Yizilayɛ anyunlunyia ne bara too yearadwu Adulam.+
16 Bɛkpa bɛ ti na bɛpepɛ bɛ enrinli ɔlua bɛ mra mɔɔ bɛkulo bɛ edwɛkɛ la ati.
2 “Bɛdabɛ mɔɔ bɛbɔ amumuyɛ adwenle,
Nee bɛdabɛ mɔɔ bɛfa adwenle ɛtane wɔ bɛ ɛkpa zo la, bɛ gyakɔ!
Saa aleɛ kye ala a bɛdi nwolɛ gyima,
Ɔluakɛ tumi wɔ bɛ sa nu.+
3 Ɔti kɛ Gyihova se la ɛne:
‘Melɛfa munzule mɔɔ awie biala ɛnrɛhola ɛnrɛvi nu* la meara abusua ɛhye anwo zo.+
Bɛnrɛmemaa bɛ nwo zo wɔ bɛ ɛdialɛ nu bieko,+ ɔluakɛ ɔle munzule mekɛ.+
4 Wɔ kenle zɔhane, menli babu bɛ nwo ɛrɛlɛ,
Na bɛbazu bɛali bɛ nwo nyane.+
Bɛbaha kɛ: “Yebɔ yɛ bo zo bɔkɔɔ!+
Yelie mɔɔ le yɛ menli ne ɛdeɛ la yevi yɛ sa nu na yeva yemaa awie mɔ!+
Yehyɛ yɛ azɛlɛ ne yemaa menli mɔɔ ɛnli nɔhalɛ la.”
5 Ɔti ɛnrɛnyia awie mɔɔ baza ɛzuzunyɛma ne anu,
Na wɔahyɛ azɛlɛ ne wɔ Gyihova asafo ne anu a.
6 Bɛka kɛ: “Bɛgyakyi edwɛkɛ ne ɛhanlɛ!
Bɛmmaka ninyɛne ɛhye mɔ anwo edwɛkɛ;
Yɛ nyunlu ɛnrɛgua aze!”
7 Asoo bɛha kɛ, O Gyekɔbo sua nu amra:
“Gyihova sunsum ne ɛnlɛ abotane ɔ?
Asoo ye gyima a le ɛhye mɔ?”
Asoo tɛ me edwɛkɛ a maa ɔwie tenlenema boɛ a?
8 Noko kenlensa ye medame mumua ne me menli ne ɛdwazo ɛtia me kɛ kpɔvolɛ.
Bɛye bɛ nyunlu bɛyeye ninyɛne ngɛnlɛma mɔɔ wɔ* adɛladeɛ nu la
Bɛfi menli mɔɔ ɛlɛpɛ nu anwodozo nu kɛ menli mɔɔ ɛhɔ konle na bɛlɛba la ɛkɛ.
9 Bɛtu me menli ne mraalɛ bɛfi awuke mɔɔ bɛ nye die nu la anu;
Bɛdie nyilalɛ mɔɔ mefa memaa bɛ mra la dahuu.
10 Bɛdwazo bɛhɔ, ɔluakɛ ɛke ɛnle ɛleka mɔɔ bɛdie bɛ menle a.
Ɔlua evinli nyɛleɛ ti,+ ɛzɛkyelɛ, ɛzɛkyelɛ kpole ɛlɛba.+
11 Saa awie dua anwoma nee mɛlɛbɛla nu na ɔbɔ adalɛ kɛ:
“Mebaha nwanye nee nza nwo edwɛkɛ meahile bɛ” a,
Yemɔ a ɔbayɛ menli ɛhye mɔ edwɛkɛkavolɛ a!+
12 O Gyekɔbo, mebaboɔboa bɛ kɔsɔɔti bɛ nloa;
Mebaboɔboa Yizilayɛma mɔɔ ɛha la amuala anloa.+
Mebamaa bɛayɛ ko kɛ mboane mɔɔ wɔ tunli nu,
Kɛ mboane ekpunli mɔɔ wɔ adidileka;+
Menli bayɛ dede wɔ ɛkɛ.’+
13 Awie mɔɔ babu bane ne la a bali bɛ nyunlu a;
Bɛbabu bane ne na bɛava anlenkɛ kpole ne anu bɛavinde.+
Bɛ belemgbunli ne bali bɛ nyunlu ava nu,
Na Gyihova bali bɛ ti.”+
3 Menganle kɛ: “Bɛmɛ Gyekɔbo sua nu mgbanyima
Nee Yizilayɛ tumivolɛma,+ mesɛlɛ bɛ bɛdie.
Asoo ɔnle kɛ bɛnwu kɛzi pɛlepɛlelilɛ de la ɔ?
2 Noko bɛkyi mɔɔ le kpalɛ la+ na bɛkulo mɔɔ le ɛtane;+
Bɛye me menli ne nwoma nee bɛ mbowule nwo nwonane.+
3 Eza bɛdi me menli ne nwonane+
Na bɛye bɛ nwoma,
Bɛbubu bɛ mbowule nu, bɛpepɛ nu azinli azinli,+
Kɛ debie mɔɔ bɛdo ye wɔ danesɛne* nu, kɛ nane mɔɔ gua danesɛne nu la.
4 Mekɛ zɔhane bɛbavɛlɛ Gyihova kɛ ɔboa bɛ,
Noko ɔnrɛbua bɛ.
5 Edwɛkɛ mɔɔ Gyihova ɛlɛka atia ngapezoma mɔɔ ɛlɛminli me menli ne la ɛne,+
Saa bɛfa bɛ gye bɛka debie a,*+ bɛtea nu kɛ ‘Anzodwolɛ!’+
Noko saa awie anva debie anwula bɛ nloa anu a bɛfa konle* bɛtoa ye:
6 ‘Aleɛ badwo bɛ;+ bɛnrɛnwu ɛnyelɛzodeɛnwunlɛ;+
Awozinli ala a bava bɛ a, awie ɛnrɛha mɔɔ bazi kenle bie la.
Sɛnzɛne ne badɔ wɔ ngapezoma ne anwo zo,
Na alehyenlɛ ne bahakyi awozinli amaa bɛ.+
7 Ɛnyelɛzodeɛnwunlɛma babɔ anyiemgba,+
Na bɛdabɛ mɔɔ bɛka kenle bie edwɛkɛ la arɛle babɔ.
Bɛ kɔsɔɔti bɛbaheda bɛ nloa azo,
Ɔluakɛ Nyamenle ɛnrɛbua bɛ.’”
8 Noko mame, Gyihova sunsum ne ɛmaa me tumi,
Pɛlepɛlelilɛ nee akɛnrasesebɛ,
Kɛ menga Gyekɔbo atuadelɛ nee Yizilayɛ ɛtane mengile bɛ.
9 Bɛmɛ Gyekɔbo sua nu mgbanyima
Nee Yizilayɛ tumivolɛma, mesɛlɛ bɛ bɛdie ɛhye,+
Bɛdabɛ mɔɔ bɛkyi pɛlepɛlelilɛ na bɛkyea mɔɔ tenrɛ kɔsɔɔti,+
10 Bɛdabɛ mɔɔ bɛka mogya bɛgua bɛfa bɛkyekye Zayɔn na bɛfa ninyɛndane bɛkyekye Gyɛlusalɛm la.+
11 Ye mgbanyima die belaebo na bɛabua ndɛne,+
Ye ɛsɔfoma pɛ bolɛ na bɛahilehile,+
Yɛɛ ye ngapezoma die ezukoa* na bɛaha mɔɔ bazi kenle bie la.+
Noko bɛfa bɛ nwo bɛto Gyihova anwo zo,* bɛka kɛ:
“Asoo Gyihova nee yɛ ɛnlua ɔ?+
Munzule biala ɛnrɛdo yɛ.”+
12 Bɛmɛ bɛ ti,
Bɛbazo Zayɔn kɛ mɔɔ bɛso ɛya la,
Bɛbagologolo Gyɛlusalɛm bɛagua,+
Na Sua ne boka ne* bayɛ kɛ ɛhoayelɛ nu ɛzonlenlɛ ɛleka ne mɔ la.+
4 Wɔ mekɛ mɔɔ li awieleɛ la anu,
Boka ne mɔɔ Gyihova sua ne gyi zolɛ la,+
Bagyinla kpundii wɔ awoka ne mɔ ati zo,
Na bɛbamaa ye zo bɛadɛla awoka ngyikyi ne mɔ,
Na menli bapia bɛ nwo ahɔ ɛkɛ.+
2 Na maanle maanle dɔɔnwo bahɔ na bɛaha kɛ:
“Bɛrɛla, bɛmaa yɛhɔ Gyihova boka ne azo,
Na yɛhɔ Gyekɔbo Nyamenle ne sua nu.+
Ɔbahilehile yɛ ye ndenle ne mɔ,
Na yɛbalua ye ndenle ne mɔ anu.”
Ɔluakɛ mɛla* vi Zayɔn bara,
Yɛɛ Gyihova edwɛkɛ ne vi Gyɛlusalɛm bara.
Maanle bie ɛnrɛva konle dadeɛ ɛnrɛra maanle gyɛne nwo zo,
Yɛɛ bɛnrɛzukoa konle ɛhonlɛ bieko.+
4 Bɛ nuhua ko biala badɛnla ye vanye nee ye feege baka bo,+
Na awie biala ɛnrɛha bɛ ɛzulolɛ,+
Ɔluakɛ ɛlɔne Gyihova anloa anu edwɛkɛ ɛne.
5 Menli ne amuala balua bɛ nyamenle ne duma nu,
Na yɛmɛ yɛbalua Gyihova yɛ Nyamenle ne duma nu dahuu.+
6 Kɛ Gyihova se la ɛne, “Kenle zɔhane,
Mebaboɔboa mɔɔ tia tɔ zo,
Nee mɔɔ membɔle bɛ asande,+
Yɛɛ bɛdabɛ mɔɔ mengilele bɛ nyane la anloa.
7 Mebamaa mɔɔ tia tɔ zo la aha,+
Na meayɛ mɔɔ bɛva ye bɛhɔ moamoa la maanle kpole;+
Na Gyihova bali bɛ nwo zo belemgbunli wɔ Zayɔn Boka ne azo,
Ɔvi ɛnɛ mɔɔ kɔ la yɛɛ dahuu.
8 Na wɔmɔ, O mboaneneavolɛma tawa,
Boka ekyi ne mɔɔ suakpole Zayɔn gyi zo la,+
Ɛhɛe, wɔ ɛkɛ ne a belemgbunlililɛ mɔɔ limoa la bara a,+
Belemgbunlililɛ ne mɔɔ le suakpole Gyɛlusalɛm ɛdeɛ la.+
9 Na duzu ati a ɛlɛteɛdea nu kpole a?
10 O Zayɔn ara raalɛ, di nyane na kponle,
Kɛ raalɛ mɔɔ ɛlɛwo la,
Ɔluakɛ ɛbavi suakpole ne azo na wɔahɔdɛnla kpɔkɛ nu.
Ɛbahɔ too wɔahɔdwu Babelɔn,+
Na ɛkɛ ne yɛɛ bɛbalie wɔ a;+
Ɛkɛ ne a eza Gyihova badɔ wɔ avi wɔ agbɔvolɛ asa anu a.+
11 Maanle maanle dɔɔnwo baboɔboa bɛ nloa adwazo atia wɔ;
Bɛbaha kɛ, ‘Bɛmaa ɔ nwo ɛgua evinli,
Na yɛ nye ɛnwu ye kɛ ɛhye ɛdo Zayɔn.’
12 Noko bɛnze Gyihova adwenle,
Bɛnde ye bodane ne* abo;
Ɔluakɛ ɔbaboɔboa bɛ nloa kɛ ma mɔɔ bɛpɛ ye fofolɛ na bɛkyekye bɛ avile avile kɛ bɛfa bɛahɔ ma ɛwosolɛ ɛleka la.
13 O Zayɔn ara raalɛ, dwazo na woso ma;+
Ɔluakɛ mebamaa wɔ mɛne ne ayɛ bulalɛ,
Na meamaa ɛ gyakɛ ayɛ kɔbele,
Na ɛbazɛkye maanle maanle dɔɔnwo.+
Ɛbava bɛ nvasoɛ ɛtane ne wɔamaa Gyihova,
Na wɔava bɛ anwonyia ne mɔ wɔamaa azɛlɛ ye kɔsɔɔti azo nɔhalɛ Awulae ne.”+
Bɛva kpɔma bɛbɔ Yizilayɛ ndɛnebuavolɛ ne anzo nu.+
2 Na wɔmɔ, O Bɛtelɛhɛm Ɛfelata,+
Ɛle ekyi somaa kɛ ɛkɛboka Dwudama apenle* dɔɔnwo ne anwo,
Wɔ nuhua a awie vi baragyinla me gyakɛ anu na yeayɛ Yizilayɛ tumivolɛ a,+
Ye mɔlebɛbo vi tete, wɔ mekɛ tendenle mɔɔ ɛze ɛhɔ la.
3 Ɔti ɔbaye bɛ yeamaa
Kɔkpula mekɛ mɔɔ ahenle mɔɔ ɔ ko ɛha ye la kɛwo la.
Na ɔ mediema mɔɔ ɛha la bazia ahɔboka Yizilayɛma anwo.
4 Ɔbadwazo yeagyinla na yeava Gyihova anwosesebɛ yeanlea bɛ,+
Wɔ Gyihova ye Nyamenle ne duma kpole ne anu.
Saa Aselea bateta yɛ azɛlɛ ne na ɔtietia yɛ tawa ne mɔɔ yɛlie nwolɛ bane la azo a,+
Yɛbakpa mboaneneavolɛma nsuu, ɛhɛe, mgbanyima* mɔtwɛ wɔ alesama anu yeamaa bɛazi ye adenle.
Na ɔbalie yɛ yɛavi Aselea asa anu,+
Wɔ mekɛ mɔɔ ɔbarateta yɛ azɛlɛ ne na yeatietia yɛ azɛlɛ ne azo la.
7 Gyekɔbo abozoamra mɔɔ ɛha la badɛnla maanle maanle dɔɔnwo anu
Kɛ ɛbɔlɛ mɔɔ vi Gyihova ɛkɛ,
Kɛ nzule mɔɔ tɔ gua ndile zo
Mɔɔ arɛle ɛnle sonla nu
Anzɛɛ ɔngendɛ alesama la.
8 Gyekɔbo abozoamra mɔɔ ɛha la badɛnla maanle maanle ne mɔ anu,
Wɔ maanle dɔɔnwo anu,
Kɛ awenade mɔɔ wɔ kpɔkɛ nu nane avinli,
Kɛ awenade ekyi* mɔɔ wɔ mboane ekpunli avinli,
Mɔɔ ɔba bɛ nwo zo, ɔtietia bɛ nwo zo na ɔtete bɛ nu azinli azinli;
Na awie ɛnle ɛkɛ mɔɔ ɔbalie bɛ la.
9 Ɛbamaa ɛ sa zo wɔ wɔ agbɔvolɛ anwo zo,
Na bɛbazɛkye wɔ kpɔvolɛma kɔsɔɔti.”
10 Kɛ Gyihova se la ɛne, “Kenle zɔhane,
Mebahu wɔ mgbɔnwɔ ne mɔ na meazɛkye wɔ konle ehwili ne mɔ.
11 Mebazɛkye wɔ azɛlɛ ne azo azuamgbole ne mɔ
Na meabubu bɛ aranemgbole ne mɔ amuala meagua.
12 Mebamaa bɛagyakyi sunsum ɛtane nyɛleɛ,
Na awie biala mɔɔ ye ngonyia la ɛnrɛdɛnla bɛ avinli bieko.+
13 Mebazɛkye wɔ ananze nee wɔ mpila ne mɔ,
Na ɛnrɛbɔ ɛ ti aze ɛnrɛmaa ɛ sa anloa gyima bieko.+
15 Mebava ɛya nee ɛya kpole meali
Maanle maanle mɔɔ ɛnyɛ tieyɛ la nzenralɛ.”
6 Mesɛlɛ bɛ, bɛdie mɔɔ Gyihova ɛlɛka la.
Bɛdwazo, bɛha bɛ edwɛkɛ ne wɔ awoka ne mɔ anyunlu,
Na bɛmaa awoka ngyikyi ne mɔ ɛde bɛ ne.+
2 O bɛmɛ awoka nee azɛlɛ ye adiabo mɔɔ bɛgyi kpundii la,
Bɛdie Gyihova edwɛkɛ,+
Ɔluakɛ Gyihova nee ye menli ne ɛnyia edwɛkɛ;
Ɔ nee Yizilayɛ bali edwɛkɛ:+
3 “Me menli, duzu a meva meyɛ bɛ a?
Kɛzi memaa bɛvɛ ɛ?+
Bɛli daselɛ bɛtia me ɛ.
4 Ɔluakɛ menyele bɛ menvile Yigyibiti azɛlɛ zo,+
Menliele bɛ menvile akɛlɛzonlenlɛ sua nu;+
Memaanle Mosisi, Aalɔn nee Meleam lile bɛ nyunlu.+
5 Me menli, mesɛlɛ bɛ bɛhakye adwenle mɔɔ Mowabe Belemgbunli Beelake vale,+
Nee mualɛ mɔɔ Biyɔ ara nrenyia Beelam vale maanle ye la+
—Mɔɔ zile ɔvi Hyetim+ kɔdwu Gelegale+—
Amaa bɛanwu Gyihova tenlene nyɛleɛ ne mɔ.”
6 Duzu a menva mengɔ Gyihova anyunlu a?
Duzu a menva membangoto anwuma anwuma Nyamenle ne anyunlu a?
Membɔ ɛyelalɛ afɔle memaa ye,
Menva nlankɛ mralɛ mɔɔ bɛnyia ɛvolɛ ngoko la membɛla ɔ nyunlu ɔ?+
7 Asoo Gyihova anye balie mboane nyinli apenle apenle,
Nee nwole mɔɔ se kɛ azudenle apenle bulu bulu la anwo ɔ?+
Menva me belamunli ralɛ nrenyia memaa ɔlua me atuadelɛ ti,
8 O sonla, yeha mɔɔ le kpalɛ la yehile wɔ.
Na duzu a Gyihova kpondɛ avi wɔ ɛkɛ a?
9 Gyihova ɛmaa ɔ ne zo ɛlɛfɛlɛ suakpole ne;
Bɛdabɛ mɔɔ bɛze nrɛlɛbɛ la bazulo wɔ duma ne.
Bɛyɛ ɛnzolɛ bɛdie baka ne nee mɔɔ vale maanle la.+
10 Asoo anwonyia mɔɔ bɛluale amumuyɛ nyɛleɛ zo bɛnyianle la bie tɛbɔ amumuyɛnli ne sua nu,
Na yifa ɛzuzudeɛ* ne mɔɔ ɛnli munli mɔɔ le kyibadeɛ la noko ɛ?
11 Asoo adalɛ tone,
Nee baage mɔɔ nzisi ɛzuzudeɛ+ wɔ nu la bamaa me nwo ade ɔ?
12 Ɔluakɛ basabasayɛlɛ ɛyi ye sukoavolɛma tɛkɛɛ,
Yɛɛ menli mɔɔ wɔ zolɛ la bɔ adalɛ;+
Bɛ tafinlima mɔɔ la bɛ nloa anu la bɛlɛbɛla.+
13 “Ɛhye ati, mebabɔ wɔ meaboda wɔ,+
Meamaa wɔadɔ mgbane ɔlua wɔ ɛtane ne mɔ ati.
14 Ɛbali debie noko ɛ ko ɛnrɛyi;
Ɛhɔne bahu wɔ.+
Mɔɔ ɛbava la, ɛnrɛhola ɛnrɛva ɛnrɛhɔ,
Na mɔɔ ɛbava wɔahɔ la, mebamaa wɔ kpɔvolɛma azɛkye ye.
15 Ɛbalua, na ɛnrɛbu.
Ɛbatietia ɔlivi ma zo, noko ɛnrɛva nwole ne ɛnrɛyɛ debie;
Na ɛbahwihwi nwanye fofolɛ, noko ɛnrɛnyia nwanye ɛnrɛnlo.+
16 Ɔluakɛ ɛlile Ɔmelae mɛla zo na ɛyɛle Ehabe sua nu amra gyima ne kɔsɔɔti bie,+
Na ɛlile bɛ folɛdulɛ zo.
Ɛhye ati mebamaa ɛ nwo aha ɛzulolɛ
Na bɛabɔ menli mɔɔ de ɛkɛ la anwo nvonloma;+
Na menli bɛagolo ɛ nwo.”+
7 Me gyakɔ! Meyɛ kɛ sonla mɔɔ
Boɔboale wawaa nu mbakama nloa
Na ɔsesale vanye ma bo zo wɔ vanye ɛdelɛ mekɛ nu,
Noko meannyia vanye siakɛ mɔɔ mebali,
Nee alimoa feege mɔɔ me ti akunlu* wɔ zo la.
Bɛ muala bɛbu bɛzia kɛ bɛka mogya bɛagua.+
Bɛ nuhua ko biala lɛ avonle kɛ ɔkpondɛ ɔ diema yeahye ye.
3 Bɛ sa ze ɛtane di kpalɛ;+
Kpanyinli biza ninyɛne,
Ndɛnebuavolɛ biza ahatualɛ,+
Sonlakpole ka mɔɔ ɔ ti akunlu* wɔ zo la,+
Na bɛyia bɛbɔ nwolɛ kpɔkɛ.*
4 Mɔɔ le kpalɛ wɔ bɛ avinli la le kɛ mbowule,
Mɔɔ le tenlenenli kpalɛ wɔ bɛ avinli la tɛla mbowunzaka.
Wɔ sinzavolɛma kenle nee mekɛ mɔɔ ɛbabu mgbonda la badwu.+
Akee bɛ nye zo bada bɛ.+
5 Bɛmmadie bɛ gɔnwo bɛdi
Anzɛɛ bɛmmafa bɛ rɛle bɛwula bɛ gɔnwo kpalɛ kpalɛ bɔbɔ anu.+
Nea mɔɔ ɛka ɛkile ahenle mɔɔ da ɛ kɛnra anu la boɛ.
6 Ɔluakɛ ralɛ nrenyia ɛmbu ye papa,
Ralɛ raalɛ dwazo tia ye mame,+
Yɛɛ agyalɛ raalɛ dwazo tia ye ase;*+
Sonla agbɔvolɛ a le ye sua nu amra.+
7 Noko mame, Gyihova yɛɛ mebahɔ zo meanlea ye a.+
Mebahendɛ* me ngoanelielɛ Nyamenle ne.+
Me Nyamenle ne badie me.+
8 O me kpɔvolɛ,* mmadi fɛlɛko wɔ me ti.
Medɔ aze ɛdeɛ, noko mebadwazo;
Mede awozinli nu, noko Gyihova bayɛ me kɛnlaneɛ.
9 Gyihova ɛya ne wɔ me nwo zo
—Ɔluakɛ meyɛ ɛtane metia ye+—
Kɔkpula kɛ ɔbali me edwɛkɛ na yeabua ndɛne yeamaa me.
Ɔbava me yeara wienyi nu;
Mebanwu ye tenleneyɛlɛ ne.
10 Me kpɔvolɛ ne noko banwu ye,
Na nyiane bahu mɔɔ ka kile me kɛ:
“Nienwu a Gyihova wɔ Nyamenle ne wɔ a?”+ la.
Mebava me nye meanlea ye.
Akee bɛbatietia ɔ nwo zo kɛ gua zo ndɛtɛlɛ la.
11 Ɔbayɛ kenle mɔɔ bɛbado wɔ bane ne mɔ;
Kenle zɔhane, bɛbadɛlɛ ɛweɛne ne anu.*
12 Kenle zɔhane, bɛvi Aselea nee
Azuamgbole mɔɔ wɔ Yigyibiti la azo bɛbara wɔ ɛkɛ,
Bɛvi Yigyibiti too kɔdwu Azule* ne anloa;
Bɛvi nyevile nee nyevile avinli yɛɛ boka nee boka avinli.+
13 Na azɛlɛ ne badɔ mgbane ɔlua bɛdabɛ mɔɔ bɛde zo la ati,
Ɔlua mɔɔ bɛyɛ* la ati.
14 Fa wɔ kpɔma ne nea wɔ menli ne, wɔ mboane ekpunli ne mɔɔ bɛle wɔ agyapadeɛ la,+
Mɔɔ ɔ ngome ɔde ɛhoayelɛ nu—wɔ tola avinli la.
Maa bɛdidi wɔ Beehyan nee Geleade+ kɛ mɔɔ bɛyɛle ye dɛba ne la.
15 “Mebamaa yeanwu nwanwane ninyɛne,
Kɛ mekɛ mɔɔ ɛvile Yigyibiti azɛlɛ zo la.+
16 Maanle maanle ne mɔ anwosesebɛ ne kɔsɔɔti anzi, bɛbanwu ye na nyiane ahu bɛ.+
Bɛbava bɛ sa bɛazɔ bɛ nloa;
Bɛ nzo badi.
17 Bɛbali ndɛtɛlɛ kɛ nwɔlɛ la;+
Bɛbava anwowosolɛ bɛavi bɛ ɛvealeka ne mɔ bɛavinde kɛ ninyɛne mɔɔ twenle bɛ nwo aze la.
Bɛbava anwowosolɛ bɛara Gyihova yɛ Nyamenle ne anyunlu,
Na bɛbazulo wɔ.”+
18 Nwane a le Nyamenle kɛ ɛdawɔ,
Mɔɔ ɔfa nvonleɛ ɔkyɛ na ɔbu ɔ nye ɔgua ye agyapadeɛ ne anu amra mɔɔ ɛha la mɛladonlɛ zo a?+
Ɔnrɛva ɛya dahuu,
Ɔluakɛ ɔ nye die ɛlɔlɛ kpundii nwo.+
19 Ɔbaze yɛ anwunvɔne bieko;+ ɔbali yɛ nvonleɛ ne mɔ azo konim.*
Ɛbavuandi bɛ ɛtane ne mɔ kɔsɔɔti wɔagua nyevile ne akunlu nehane.+
20 Ɛbala nɔhalɛlilɛ ali wɔahile Gyekɔbo,
Ɛbala ɛlɔlɛ kpundii ali wɔahile Ebileham,
Kɛ mɔɔ ɛhanle ndane ɛhilele yɛ nenyia mɔ ɔvi tete ne la.+
Maekeɛle mɔɔ bɛpɛ ye sinli (ɔ bo kile “Nwane A Le Kɛ Nyamenle A?”) anzɛɛ Maekaya (ɔ bo kile “Nwane A Le Kɛ Gyihova A?”)”
Hibulu aneɛ nu, “ɛleka mɔɔ wɔ anwuma la.”
Hibulu aneɛ nu, “ɛleka mɔɔ wɔ anwuma la.”
Hibulu aneɛ nu, “Mebawola.”
Anzɛɛ “wɔ Afela sua nu.”
Hibulu aneɛ nu, “menli mɔɔ bɛde Leekehye la.”
Anzɛɛ ɔkola ɔkile, “Zayɔn ara raalɛ ne.”
Anzɛɛ “awie mɔɔ bava bɛ agyapadeɛ ne.”
Hibulu edwɛkɛkpɔkɛ ne kola kile kɔleɛ.
Anzɛɛ “egyinli.”
Hibulu aneɛ nu, “ɛnrɛye ɔ kɔme wɔ nu.”
Anzɛɛ ɔkola ɔkile, “bɛfi.”
Anzɛɛ “danesɛne kpole.”
Anzɛɛ ɔkola ɔkile, “Saa bɛnyia debie mɔɔ bɛbakposa la a.”
Hibulu aneɛ nu, “bɛyila konle zo.”
Anzɛɛ “dwɛtɛ fufule.”
Anzɛɛ “bɛka kɛ bɛfa bɛ nwo bɛto Gyihova anwo zo.”
Anzɛɛ “ɛzonlenlɛsua ne boka ne.”
Anzɛɛ “adehilelɛ.”
Anzɛɛ “koanlɛ mgbole.”
Anzɛɛ “kpɔkɛ mɔɔ yebɔ la.”
Anzɛɛ “mbusua.”
Anzɛɛ “adekilevolɛma.”
Anzɛɛ “awenade kakula mɔɔ anwo yɛ se.”
Nea Edwɛkɛbohilelɛ.
Hibulu aneɛ nu, “me sonlabaka ne ma.”
Anzɛɛ “ɛbayɛ mɔɔ tenrɛ.”
Anzɛɛ “ɛbayɛ atiakunlukɛnlɛma na wɔali nɔhalɛ wɔ wɔ ɛlɔlɛ nu.” Hibulu aneɛ nu, “wɔahulo ɛlɔlɛ kpundii.”
Nea Mok. B14.
Anzɛɛ “me ɛkɛla ati akunlu.”
Anzɛɛ “ɛvi.”
Anzɛɛ “ye ɛkɛla ati akunlu.”
Hibulu aneɛ nu, “bɛbɔ nu bɛnwo.”
Anzɛɛ “ɔ hu mame.”
Anzɛɛ “Mebazi abotane meahendɛ.”
Wɔ Hibulu nu, edwɛkɛkpɔkɛ ne mɔɔ bɛhile ɔ bo “kpɔvolɛ” la kile kɛ ɔle raalɛ.
Anzɛɛ ɔkola ɔkile, “mɛla ne baha moa.”
Ɛhye kile, Yufileti.
Hibulu aneɛ nu, “Ɔlua mɔɔ vi bɛ nyɛleɛ nu ba.”
Anzɛɛ “ɔbatietia zo.”