Sɔlɔmɔn Edwɛne

7 “O ahunlunyele bɛlɛra,

Nea kɛzi ɛ gyakɛ nee mgbɔlaboa le kɛnlɛma la!

Wɔ ɛzɔlɛ ngɛnlɛma ne le kɛ agudeɛ,

Dwinvolɛ asa anloa gyima.

Ɛ ko le kɛ hwiiti edukue

Mɔɔ aloa ɛbɔ ye ɛyia la.

 3 Ɛ nyɛfo nwiɔ ne le kɛ weɛlɛ mralɛ nwiɔ,

Ahɛtɛboɛ ndalɛ.+

Ɛ nye+ le kɛ Hɛhyebɔn nzubula ne mɔ+

Mɔɔ wɔ Bate-relabem anlenkɛ kpole ne anloa la.

Ɛ bonyi le kɛ Lɛbanɔn tawa ne,

Mɔɔ anye kile Damasekɛse la.

 5 Ɛ ti mɔɔ gyi zo la le kɛ Kamɛle,+

Yɛɛ ɛ ti zo enrinli*+ le kɛ ɛdanlɛ kɔkɔlɛ nee buluwu afonla.+

 6 Nea kɛzi ɛ nwo yɛ fɛ, nee kɛzi ɛ nwo yɛ anyelielɛ la,

O bɛlɛra kulovolɛ, ɛtɛla debie biala!

 7 Ɛgyi zo sengɔɔnwo kɛ arɛlɛ baka,

Yɛɛ ɛ nyɛfo le kɛ arɛlɛ betike.*+

 8 Menganle kɛ, ‘Mebavo arɛlɛ baka ne,

Na meazɔ ye betike ne anu.’

Maa ɛ nyɛfo ɛyɛ kɛ vanye ma siakɛ,

Wɔ ɛnwomenle ɛyɛ kɛ ampolo evuanlɛ,

 9 Na ɛ nloa ɛyɛ kɛ nwanye kpalɛ.”

“Maa ɔgua bɛtɛɛ ɔmaa me kulovolɛ ne,

Na ɔze bɛtɛɛ wɔ bɛdabɛ mɔɔ bɛdeda la anloa anwo.

10 Mele me kulovolɛ ne ɛdeɛ,+

Yɛɛ medame ala a ɔkulo me a.

11 O me kulovolɛ, bɛla,

Maa yɛhɔ ɛya ne anu lɔ;

Maa yɛhɔlie yɛ menle wɔ hɛna mbaka ne mɔ abo.+

12 Maa yɛdwazo ndɛ yɛhɔ vanye egyinli ne anu

Yɛhɔnlea saa vanye ne ɛyeye nya a,

Saa ndotolo ne mɔ ɛkpukekpuke+

Na pɔmegelanate ne mɔ ɛbɔ ndotolo a.+

13 Mandileki ne+ mɔ evuanlɛ ɛva ɛkɛ;

Mbakama ngɛnlɛma dɔɔnwo wɔ yɛ nlenkɛ ne mɔ anloa.+

O me kulovolɛ, meva dɛba nee fofolɛ amuala,

Mezie memaa wɔ.