Sɔlɔmɔn Edwɛne
2 “Kɛ mɔɔ aloa de wɔ mbowule nu la
Zɔhane ala a me kulovolɛ ne de wɔ mbɛlɛra avinli a.”
3 “Kɛ mɔɔ ampolo baka gyi kpɔkɛ nu mbaka avinli a ɔde la,
Zɔhane ala a me kulovolɛ ne de wɔ mgbavolɛ avinli a.
Me nye die nwo kpole kɛ mebadɛnla ye alubo ne anu,
Yɛɛ ye ma yɛ me fɛ.
4 Ɔvale me ɔhɔle ɛkponledolɛ sua* ne anu,
Na ɔvale ye ɛhulolɛ ne ɔguale me nwo zo kɛ fɛlɛnra la.
5 Bɛmaa me vanye ma welera bɛmaa me nwo ɛdɔ me;+
Bɛmaa me ampolo bɛmaa ɔmaa me anwosesebɛ,
Ɔluakɛ ɛhulolɛ ɛmaa me nwo ɛdo me.
6 Me ti la ɔ sa bɛne ne azo,
Yɛɛ ɔ sa fema ne bɛla me.+
Bɛmmatwe me adwenle bɛkɔ ɛhulolɛ zo kɔkpula kɛ ye mekɛ kɛdwu.+
8 Me kulovolɛ ne ane ɛne!
Nea! Yemɔ a ɛlɛba la,
Ɔlɛfo awoka ne mɔ, ɔlɛwuluwulu awoka ngyikyi ne mɔ azo.
9 Me kulovolɛ ne le kɛ kɛtɛboɛ, ɔle kɛ weɛlɛ ralɛ.+
Yemɔ a wɔ nehane la, ɔgyi yɛ bane ne anzi,
Ɔ nye dua nvɛnzɛlɛ ne anu,
Ɔlɛnea adokule ne mɔ anu.
10 Me kulovolɛ ne tendɛ na ɔse me kɛ:
‘Me kulovolɛ anwofɛlɛko, dwazo,
Bɛla maa yɛhɔ.
11 Nea! Fɔsɛlɛ ne ɛpɛ nu.
Ezule ne ɛdɔ ɛpe.
12 Ndotolo ɛkpakye azɛlɛ ne azo,+
Yedwu mekɛ mɔɔ bɛpepɛ mbaka nwo a,+
Yɛɛ bɛte abubule ɛzunlɛ wɔ yɛ azɛlɛ ne azo.+
13 Feege baka ne azo ma mɔɔ limoa la ɛbolo;+
Vanye ne mɔ ɛbɔ ndotolo na bɛlɛbɔ evuanlɛ.
Me kulovolɛ anwofɛlɛko, dwazo bɛla.
Bɛla maa yɛhɔ.
14 O me abubule mɔɔ wɔ bodane nu,+
Wɔ boka ne adokule ne mɔ anu,
Maa menwu wɔ na mende ɛ ne+
Ɔluakɛ ɛ ne yɛ fɛ yɛɛ ɛ nwo le kɛnlɛma.’”+
15 “Bɛhye ɛzonlɛ ne mɔ bɛmaa yɛ,
Ɛzonlɛ ngyikyi ne mɔ mɔɔ sɛkye vanye egyinli ne mɔ la,
Ɔluakɛ yɛ vanye egyinli ne mɔ ɛbɔ ndotolo.”
16 “Me kulovolɛ ne le me ɛdeɛ yɛɛ mele ye ɛdeɛ.+