Jemusi

2 Banakwayina bangu ibani nolushanto lukulwana, kana zukweji zulosiyana-siyana zuzha kwamuli, 3 zwamunoziba kuti kdimbwa kwenu yoko kwakakwejwa kunota kuti mubhatisise. 4 Koga kusima ngakupeje unshingo wako, mube balopelela akale babhodo muzunu zwose, pesina chamunoshayiwa. 5 Kana pelinomwe usina buchenjeli, ngelambe ekumbila Mwali uchabupiwa nokuti unopa unhu wose zuva pomoyo, esinonyunyuta. 13 Unhu paanobekwejwa esiti: “Ndimukwejwa naMwali.” Nokuti Mwali aatokwejwa nozunu zubi, akale iye aatokweja unhu. 19 Zibani banakwayina bangu banodiwa: Unhu wose unokwelela kukambija kuwha akale ejilwe kunyema, 20 nokuti kunyema konhu akutota kuti pebe nokululama kunodiwa naMwali. 26 Kana unhu eyeya kuti umunamata Mwali koga esinobhata lulimi lulwe, umuzuchengela mumoyo mumwe, akale kunamata kukwe akuna zwakunobhancha. 27 Inzila yokunamata ilochena isiloswibhiswa mukubona kwaMwali Tate bedu ndiyeyi: kulilitila inhelela nenchilikaji mukusheta kwabo, akale tizulondote tisina lubata lwenyika.