Mishingo

14 Bapositoli bakabeli muJelusalema pabakawha kuti iSamaliya lyakabatambula iwhi lyaMwali, bakatuma Pita naJohani kuna ibo; 25 Bakati bapupula zuzhele nozwe whi lyaJehova, bakabwilila kuJelusalema, bezibisa indebo imbuya mumizi minji yamaSamaliya. 26 Ingilozi yaJehova yakalebeleka naFilipi iti: “Nyamuka unde kuchamhembe kongwagwa unova kuJelusalema unda kuGaza.” (Ungwagwa yoyo ngowoludwa.) 27  Paakawha yozo wakava anyamuka akenda, kunobona umwe nhulume wokuEtiopiya unsunyulwi, waluba igulukota igulwana lyaKandase tezikazi wokuEtiopiya wakabelondota ifuma iye. Wakabenda kuJelusalema kunonamata 28  koga pakubwilila, wakagala pengolo iye ebala lukwalo lyomprofeti Izaya. 29  Umpepo wakati kuna Filipi: “Inda pelyo nengolo yeyo.” 30  Filipi wakalabuka elikumbali kwengolo akale wakonwha ebala ibhuku lyomuprofeti Izaya akati kuna iye: “Umuwhisisa zwawumubala na?” 31  Iye wakati: “Ndingawhisisa chini pasina unondibhawunulila?” Ndizo akakumbila Fililpi kuti egadebo begale bose.