Luka

35 Jesu paakaba pelyo neJeliko pakabeli nomwe unhulume ibhofu wakabeli gele kumbali kongwagwa ekumbila. 36 Paakawha banhu banji bepinda, wakabhuza kuti ini zumutikana. 37 Bakombuja kuti: “NdiJesu wokuNazaleti umupinda!” 38 Wakashomeja eti: “Jesu, Mwananhulumyana waDavidi, ndiwhileni ishe!” 39 Yabo bakabeli mbeli kukwe bakatanga kunwhilijisa, koga iye wakashomeja newhi lipo pezhulu eti: “Mwananhulumyana waDavidi, ndiwhileni ishe!” 40 Jesu wakama akababuja kuti bombuze kwaali. Paakaswika, Jesu wakombuza kuti: 41 “Unoda kuti ndikutileni?” Iye wakati: “She, itani kuti ndibone.” 42 Jesu wakati kwaali: “Bona, kudimbwa kuko kwakuchija.” 43 Pakalepo wakabona, akatanga kuuntobela, ekuja Mwali. Nabanhu bose pabakazubona bakatanga kukuja Mwali.