Maliko

30 Bapositoli bakabungana kuna Jesu bakonsumila zwose zwabakata nozwabakalayija. 31 Wakati kwabali: “izhani imwi moga, kundawu isina banhu kuti munyetutukwe zushoma.” Nokuti bakabeli banji bakabezha akale benda, akale abajakabelina unshaji wokulya. 32 Bakenda nobwato beliboga kundawu isina banhu. 33 Koga banhu bakababona benda akale zukazibikanwa nabanji, bakalabuka namakumbo bebhuda mumakuta ose bakabatangila kuswika. 34 Paakabebhuda, wakabona banhu banji, akale akabawhila ishe, nokuti bakabeli semwizi jisina uyembeli. Akale akatanga kubalayija zunu zunji. 35 Unshaji wakabapela, batobeli babe bakezha kuna iye bakati: “Indawu yeyi ikokule nokunogala banhu akale unshaji wapela. 36 Babujeni bende kumizi nozugaba zupo pelyo bezutengele zokulya.” 37 Iye wakashandula eti: “Bapeni imwi zokulya.” Ibo bakati kuna iye: “Tinde tinotenga chingwa namadinari 200 tisikopa banhu kuti belye na?” 38 Wakati kwabali: “Munazunkwa zungana? Indani munobona!” Pabakabona bakati: “Zushanu nehobe imbili.” 39 Wakalayilila banhu bose kuti begale namakapo pabuhwa bunyolo. 40 Bakagala mumakapo abanhu 100 akale ne50. 41 Feno wakatola zunkwa zushanu nehobe imbili akalinga kudenga, akaboka. Wakakwamula zunkwa akapa batobeli babe kuti bezubige mbeli kwabanhu, akale wakakwamula ihobe jikapiwa banhu bose. 42 Bakalya bose, bakaguta, 44 Bakalya zunkwa banhulume 5 000.