Woba Lesibindi Njalo Ubeqotho NjengoBhenaya

UBhenaya wayelisotsha elilesibindi ngesikhathi kubusa uDavida langesikhathi sikaSolomoni. UBhenaya wayeyindodana yomphristi futhi abaphristi babengajayelanga ukuphatha izikhali besiya empini. Lanxa kunjalo uBhenaya wayehamba ezimpini futhi wayelisotsha elilesibindi. Watshengisa ukuthi wayelesibindi ngoba wabulala isilwane waphinda wabulala lendoda eliqhawe eyayihlome iphelele. Inkosi uDavida yayimthemba uBhenaya yaze yamkhetha ukuthi abe yinduna yabalindi bayo.—2 Sam. 23:​20-23.

UBhenaya waqhubeka eqotho kuDavida lanxa u-Abhisalomu lo-Adonija basebehlamukile. (2 Sam. 8:18; 15:18; 1 Amakho. 1:8) Ngitsho langesikhathi uDavida esegugile, uBhenaya wayekhona lapho uSolomoni egcotshwa ukuthi abe yinkosi. (1 Amakho. 1:​32-40) Lanxa abanye bahlamukela uJehova labantu ayebakhethile, uBhenaya waqhubeka eqotho.

Lathi kumele sibe lesibindi ukuze silwisane lesitha sethu esikhulu uSathane lalabo abamsekelayo. Kumele sizimisele lokuphila ngendlela ethokozisa uJehova. (Efe. 6:11; 1 Phet. 5:​8, 9) Lanxa abanye bengakhetha ukutshiya uJehova, thina sizahlala siqotho kuye njalo uzasibusisa.—2 Sam. 22:26.