Wathethelela Izono Ezenziwa Inhlawulo Ingakabhadalwa

Umhlatshelo wenhlawulo uJesu awubhadala ngegazi lakhe yiwo wodwa ongenza sithethelelwe izono zethu. (Efe. 1:7) Kodwa iBhayibhili lithi: “Ukuba lesineke kwenza [uNkulunkulu] wathethelela izono ezenziwa kudala.” (Rom. 3:25) Lapha kutshiwo izono ezenziwa uJesu engakabhadali inhlawulo. Njengoba uJehova enguNkulunkulu owahlulela kuhle, wayengazithethelela njani izono inhlawulo ingakabhadalwa?

Ngesikhathi uJehova ekhuluma ‘ngenzalo’ eyayizasindisa abantu abakholwayo, kuye kwakufanana lokuthi inhlawulo isibhadelwe. (Gen. 3:15; 22:18) UNkulunkulu wayengathandabuzi ngitsho lakancane ukuthi ngesikhathi sakhe esifaneleyo, iNdodana yakhe ezelwe yodwa yayizabhadala inhlawulo. (Gal. 4:4; Heb. 10:​7-10) Ngesikhathi uJesu esemhlabeni wayengummeli kaNkulunkulu futhi wayelawo amandla okuthethelela izono lanxa inhlawulo yayingakabhadalwa. Wayethethelela izono zalabo ababelokholo ngoba wayekwazi ukuthi umhlatshelo ayezawenza wawuzabhadalela izono zabo.—Mat. 9:​2-6.