Isiprofetho

ESITSHENGISA UKUTHI IBHAYIBHILI LIYAVUMELANA

“Ngizakwenza ukuthi kube lokuzondana phakathi kwakho [inyoka] lowesifazana, laphakathi kwenzalo yakho lenzalo yowesifazana. Izacobodisa ikhanda lakho njalo wena uzayilimaza isithende.”—UGenesisi 3:15.

Lesi yiso isiphrofetho sokuqala eBhayibhilini esakhulunywa nguNkulunkulu ensimini ye-Edeni. Ngubani owesifazana lenzalo yowesifazana okukhulunywa ngabo eBhayibhilini futhi ngubani inyoka lenzalo yenyoka? ‘Ukuzondana’ okukhulunywa ngakho kutshoni?

INYOKA

NguSathane uDeveli.—ISambulo 12:9.

OWESIFAZANA

Yinhlanganiso kaJehova ebunjwa yizidalwa ezisezulwini. (KwabaseGalathiya 4:26, 27) U-Isaya wakhuluma ‘ngowesifazana’ owayezazala isizwe sikaNkulunkulu.—U-Isaya 54:1; 66:8.

INZALO YENYOKA

Yilabo abakhetha ukwenza okufunwa nguSathane.—UJohane 8:44.

INZALO YOWESIFAZANA

UJesu Khristu uyingxenye yokuqala yenzalo futhi wavela enhlanganisweni kaJehova esezulwini. ‘Inzalo’ le igoqela labafowabo bakaKhristu ababusa laye ezulwini. AmaKhristu la agcotshiweyo abumba isizwe sabagcotshiweyo, ‘u-Israyeli kaNkulunkulu.’—KwabaseGalathiya 3:16, 29; 6:16; UGenesisi 22:18.

UZAYILIMAZA ISITHENDE

UMesiya wayezalinyazwa kodwa kwakuzakuba ngokwesikhatshana. USathane wenza uJesu wabulawa lapha emhlabeni kodwa uNkulunkulu wamvusa uJesu.

IZACOBODISA IKHANDA

UJesu uzambhubhisa uSathane. Okunye uJesu azakwenza yikulungisa bonke ububi obubangelwe nguSathane kusukela ensimini ye-Edeni.—1 UJohane 3:8; ISambulo 20:10.

Nxa ufuna ukuzwa okunengi ngendaba le, khangela ibhukwana lesiZulu elithi IBhayibheli—Uyini Umyalezo Walo? elidindwe ngoFakazi bakaJehova.