Insuku ZikaMesiya Labalandeli Bakhe

Indaba ezilandiswa engxenyeni le zenzakala phakathi leminyaka engaba ngu-100. Sizafunda ngoMariya intombi engumJuda eyayithobekile futhi eyaphiwa umsebenzi oqakatheke kakhulu, ongakaze uphiwe omunye umuntu. Sizaphinda sixoxe ngoJohane uMbhabhathizi, umphostoli uPhetro, uMariya Magadalena, uStefane kanye lomphostoli uPhawuli. Sizaphetha ngokuxoxa ngomphostoli uJohane owayethandwa kakhulu nguJesu. Bonke batshengisa ukuthi balesibindi ngendlela ezitshiyeneyo. Ngokwesibonelo batshela abantu ukuthi uJesu nguye uMesiya lanxa abanengi babengakukholwa lokhu. Balingisela okwenziwa nguJesu njalo batshumayela izindaba ezinhle ngaye lanxa babezondwa futhi behlukuluzwa.