Kusukela KuJonathani Kusiya KuNehemiya

Izindaba ezisengxenyeni le zenzakala eminyakeni engaba ngu-600. Sizaqala ngendaba kaJonathani indodana yeNkosi uSawuli besesixoxa ngoDavida inkosi yako-Israyeli eyayithembeke kulawo wonke amakhosi ako-Israyeli. Sizehla lazo izindaba sizesiyefika ngesikhathi abantu bakaNkulunkulu ababethunjiwe eBhabhiloni bebuyela eJerusalema futhi bevuselela idolobho labo. Sizafunda okunengi esibonelweni sika-Abhigeli, uNathani, u-Elija, uDanyeli, u-Esta, uNehemiya kanye labanye. Bonke laba batshengisa ukuthi balesibindi ezimeni ezitshiyeneyo. Ngokwesibonelo, abanye kwakumele babuse abantu bakaJehova ababehlamuka, abanye kwakumele babeqotho ngesikhathi inkosi ihlamuka njalo abanye kwakumele baxwayise abantu bakaNkulunkulu abasebekhonza izithombe futhi besenza izinto ezimbi.