Amanethi Okuthiya Inhlanzi

Abanye abafundi bakaJesu babethiya inhlanzi besebezithengisa ukuze bathole imali yokuziphilisa. (Mak. 1:​16-20) Babezithiya ngamanethi elwandle lwaseGalile.

Amanethi lawa ayelungiswa ngentambo eziqinileyo langamathwayini. Amanye amanethi ayesiba lezikhala ezinkulu ikanti amanye abe lezincane kusiya ngokuthi asetshenziswa ukubamba inhlanzi ezincane kumbe ezinkulu. Amanethi amancane ayebotshelwa amatshe ukuze acwile ikanti awokubamba inhlanzi ezinkulu wona ayefakwa izinto ezisindayo ukuze atshone kodwa abotshelwe lezinye izinto phezulu ukuze andende.

Umuntu owayelenethi wayezama sibili ukuyigcina kuhle. Amanethi ayengadatshulwa ngamatshe aselwandle kumbe aqhaqheke nxa kuyikuthi kubanjwe inhlanzi ezinengi. (Luk. 5:6) IBhayibhili lithi ngelinye ilanga uJesu wathola uJakhobe loJohane bethunga amanethi abo. (Mat. 4:21) Kungenzeka ukuthi amanethi kwakumele ahlale ethungwa. Evangelini likaLukha sitshelwa ukuthi abanye ‘babegezisa amanethi abo’ ukuze bakhiphe udaka lokunye nje okwakubanjelwe emanethini. (Luk. 5:2) Amanethi ayechaywa ukuze angakhunti.—Hez. 47:10.

UJesu wacela amadoda ayejayele ukuthiya inhlanzi ukuthi abe “ngabagoli babantu.”