Uyayizwisisa Yini Imizekeliso EseBhayibhilini?

EBhayibhilini kulemizekeliso eminengi kodwa akulula ukuthi abanengi bayizwisise. (Mat. 13:13) Manje kuyini okungakunceda ukuthi uyizwisise kuhle? Nanku ongakwenza:

• Dinga ukuthi kukhulunywa ngani lokuthi kufaniswe lani. Izikhathi ezinengi vele imizekeliso ngeyokuchasisa into ethile ngokufanisa. Ngokwesibonelo, uSambulo 3:3 ufanisa ukuza kukaJesu lokufika kwesela.

• Dinga ukuthi okukhulunywa ngakho kufanana njani lokuqanjwe emzekelisweni. Zama ukucabanga ukuthi kungani into yakhona ifaniswe ngaleyondlela.

• Zwisisa ukuthi vele kutshiwoni. Kulula ukuthi ezinye izifaniso zitshiye abantu bebambe izinto ezingayisizo. Ngokwesibonelo, kuSambulo 3:3 ukuza kukaJesu kufaniswe lokufika kwesela kodwa akutsho ukuthi uyabe ezotshontsha. Okutshiwoyo nje yikuthi uzafika abantu bengacabangeli.