Kubone Ngelihlo Lengqondo

Izindaba ezinengi eziseBhayibhilini zilezifundo eziqakathekileyo. Nxa ubala indaba eseBhayibhilini zama ukukubona ngelihlo lengqondo lokho okwakusenzakala. Ungenza njalo uzakuzwisisa ngcono okubalayo. Nanka amanye amacebo angakunceda.

• Balela phezulu. Nxa ungawabalela phezulu amavesi aseBhayibhilini uzawazwisisa kuhle. Nxa kuyikuthi libala iBhayibhili liyimuli, lingabala litshintshana nxa indaba yakhona ilabalingiswa abatshiyeneyo.

• Cabangisisa ngokwakusenzakala. Cabanga ngokuthi abantu obala ngabo babengabe becabangani futhi besizwa njani. Zibuze: ‘Kuyini okungabe kwenza umuntu lo wenza lokhu? Kuyimi ngangizakwenzani?’

• Dweba. Lanxa ungasongcitshi yokudweba ungenelisa ukudweba lokho okwakusenzakala endabeni oyibalayo. Nxa ungenza njalo uzayikhumbula lula indaba yakhona.