Jehová chíndeétáʼanra xíʼin na̱ ndáa-ini miíra

Ñá Emma xi̱kachíñuñá u̱ni̱ ki̱vi̱ ti̱xin iin hotel ta 9 hora xi̱kachíñuñá. Iin yichi̱ ni̱ka̱ʼa̱nñá xíʼin ta̱ xi̱kiʼin kuenta xíʼin chiñu kán ña̱ ná taxira iin ki̱vi̱ ndaʼa̱ñá ña̱ va̱ʼa ku̱ʼu̱nñá asamblea regional. Nu̱úka ña̱ taxira permiso ndaʼa̱ñá ni̱ka̱ʼa̱nra xíʼinñá ná kachíñuñá u̱ʼu̱n ki̱vi̱, soo tá kǒo kúni̱ñá kachíñuñá ndiʼi ki̱vi̱ kán va̱ʼaka ná sandákooñá kachíñuñá. Ñá Emma xi̱ndaa-iniñá Jehová, sa̱ndákooñá chiñu kán ta ni̱xa̱ʼa̱nñá asamblea.

Tá ni̱xa̱ʼa̱nñá hotel kán ña̱ va̱ʼa ka̱ʼa̱nñá xíʼinna ña̱ sandákooñá chiñu kán, soo kán ndíkaa̱ ta̱ gerente ta̱ kíʼin kuenta xíʼin hotel kán. Tá ku̱ndaa̱-inira xa̱ʼa̱ ña̱ ndo̱ʼo ñá Emma ni̱ka̱ʼa̱nra xíʼinñá ña̱ miíra ka̱ʼa̱n xa̱ʼa̱ñá, soo tá ni̱ya̱ʼa u̱vi̱ semana ta̱vánañá. Tá ni̱ya̱ʼa tiempo nda̱kutáʼanñá xíʼin ta̱ gerente, tá ku̱ndaa̱-inira ña̱ va̱ása níxiniso̱ʼo ta̱ kíʼin kuenta xíʼin hotel ña̱ ni̱ka̱ʼa̱nra xíʼinra, ndeéní ni̱sa̱a̱ra ta ni̱ka̱ʼa̱nra ña̱ ná ndikó tukuñá kachíñuñá. Ta ni̱ka̱ʼa̱nna xíʼinñá ña̱ kachíñuñá u̱ʼu̱n ki̱vi̱ ti̱xin iin semana ta ku̱mí hora kachíñuñá, va̱ʼaníka hora yóʼo nu̱úka hora ña̱ xi̱kachíñuñá tá ya̱chi̱, saáchi va̱ʼaka xi̱keʼéñá chiñu nu̱ú Ndióxi̱ saá. Mií Jehová chi̱ndeétáʼan xíʼinñá.