Lesina 12

Manata Baita La Ana Marukia bia Abu

Kuki manata ufita sulia marukia? (1) olowela la? (1)

Kristian keki fatai nia ufita na kera manata baita ana betalana si do ki? (2)

Thaun̄i lana do maruki kwasi e garo? (3)

Tei si ta ki bo’o na imole ki kera ilia ne ai si fare baita ana marukia? (4)

Lo tha God sulia abu e ufita? (5)

Ma n̄ali lana abu mala transfusion e ni lau bo’o iei? (6)

1. Marukia e man̄o mai fasia tha Jehova. Do na kera maruki ki sui bo’o maruki lada e lae mai fasia tha God. (Psalm 36:9) Marukia ne abu ifatha God. Doanita wela ne ai si futa umena ne ni ila rakena thainana tha Jehova e manata baita ania. Olon̄e’e thaumaeli lana wela ne bi thafali e garo ila mana tha God.—Exodus 21:22,23; Psalm 127:3.

2. Kristian mamana ki kera manata baita ana marukia. Kera filon̄ai lea ana tarake bia luma kera ka lea te’e fau. (Deuteronomy 22:8) Toa ni ra tha God kesi alua marukia kera si to ila si kula na keki fulato’ona maea uria thathamila mada se’ethathala bana. Kesi ado lau bo’o ila thathoa mala firua uria labatai lana tei imole. Kera to lau bo’o fasia riki lana thathoa na kai tataea firua.—Psalm 11:⁠5; John 13:35.

3. Marukilana do maruki kwasi e abu lau bo’o inao fana Wane ne Thaun̄ai do. Kristian kai thaun̄ia bana ta do maruki kwasi uria fan̄a bia afila mada su’usi lana si mataia bia ta’a la. (Genesis 3:21; 9:3; Exodus 21:28) Sui nia e garo uria fa’aida lana do maruki kwasi mada uria thaun̄i lada la uria thathoa.—Proverbs 12:10.

4. Bibiala, butha la, bia n̄ali lana do bubula ki uria lea la e ai si tala’ana Kristian. Si ilido la eri e garo uria (1) kera ade kulu kuka ulafu, (2) kera labatainia se’edo, bia (3) keka bilia. (Romans 6:19; 12:1; 2 Corinthians 7:1) Nia kai afetai asia na’a uria kuki ekwatai nia si do eki. Sui mena kulu kuki ili bona’a uria fasia tha Jehova ka se’ethathala.

5. Abu si do talin̄ai lau bo’o i mana tha God. God e sorea se’edo mada man̄oedo e ni ila abu. Nia e garo lau bo’o ura ani lana abu. Nia e garo lau bo’o ura ani lana abuna do maruki kwasi na abuna e ai si lae fasia. Masa ta do maruki na kera lioa mada ka mae ana ausigi, e ai si tala’ana ani lana la. Masa kera labua mada keka uia, abuna kai lae aliali bona’a fasia sui fetai keka ania.—Genesis 9:3,4; Leviticus 17:13, 14; Acts 15:28, 29.

6. Nia e garo uria kuki alafafia n̄ali lana abu mala transfusion? Manato’ona, Jehova e thathamia kuki to fasia abu. Nia e to’olan̄ai nia kulu kusi n̄alia bona’a ana tesi tathala abuna tei imole e’eta mada abukulua ubo’o na kera beta e’eta ania. (Acts 21:25) Iu Kristian mamana ki kesi alafafia n̄ali lana abu mala transfusion. Keki alafafia tei si kwaiadomia e’eta fasia medikolo, mala transfusion ana tesido e ai ta abu ilana. Kera thathami maruki, sui ta kera kesi ili uria fa’amaruki lana marukia kera ana sitathala keka oea lo tha God.—Matthew 16:25.

[Pictures on page 25]

Ura fa’a se’ethathala lana tha God, kulu kuki to fasia n̄ali lana abu mala transfusion, biran̄a bilia ki, bia tei si do na kai labatai kulu