Lesina 2

Tei Na Tha God?

Tei bo’o na God mamana eri, ma thatana ni tei? (1, 2)

Ai se’edo ufita bo’o ne to ania? (3)

Si biran̄a lea ufita ni bo’o ne to ania? (4)

Tala ana kuki aruto’ona nunuido bia tei si mamara la ki asi man̄a kuki fa’abaita nia? (5)

Ro si tathala ufita ki bo na kuki to’odo sulia tha God? (6)

1. Toa ki kera fa’abaita do oro ki. Sui mena Baebol e fa’aron̄o kulu ana te’e God bo’o ne MAMANA. Nia e thaun̄ainia si do ki sui bo’o ila thalo bia fanua nei iano. Sulia ni nia e falea marukia i fakulua, mani nia talito’ona Te’e nia bona’a na kuki fa’abaita.—1 Corinthians 8:5, 6; Revelation 4:11.

2. God e to ana thata baita oro sui mena e to ana te’e thata bo’o. Thate’edo eri na tha JEHOVA. Ila Baebol oro ki, thatana tha God kera lafua bia keka alu tala ana thate’edo LORD mada GOD. Sui mena si man̄a na kera keda Baebol, thate’edo Jehova e kwalu sitafa 7,000 siman̄a!—Exodus 3:15; Psalm 83:18.

3. Jehova e to ana se’edo, sui mena e ai si uri kulu. Baebol e sorea: “God na n̄a Spirit.” (John 4:24, Alaofua Falu) Spirit nia n̄a marukia e baita ka talu kulu. E ai ta imole si rikia tha God. Jehova e to mai ithalo, sui mena nia e rikia si do ki sui bo’o. (Psalm 11:4,5; John 1:18) Ma ta na spirit abu? Nia e ai si uria ta wane mala tha God. Nia n̄a sukwaia tha God bana.—Psalm 104:30.

4. N̄a Baebol e fatai nia abula lana tha Jehova isaka lua. Nia e fatai nia si biran̄a lea mala liothaua, kotu kokoto la, thaito’omedoa bia sukwaia. (Deuteronomy 32:4; Job 12:13; Isaiah 40:26; 1 John 4:⁠8) Na Baebol ka fa’aron̄o kulu nia e to lau bo’o ana tatakomia, adelea, manata lube la, tona fale la bia mara bibila. Kulu, kuki uria wela na kera ade sulia, ili uria kuki uri nia.—Ephesians 5:1,2.

5. Tala ana kuki boruru mada kuki foa isana God e’eta mada nunuido, mada tesi mamarala bana ila fare baita la kulu? E ai! (Exodus 20:4,5) Jehova e sorea kulu kuki fa’abaita nia bona’a. Nia e ai si ado lau ana fare baita la nia bia ta wane mada tesido e’eta bana. Nunuido e ai sito bo’o ana ta sukwaia uria kai adomi kulu.—Psalm 115:4-8; Isaiah 42:8.

6. Ade ufita fasia kuka thaito’omana lea tha God? Te’esi tathala e ni ana riki lea ana si do ne thaun̄aidaki bia ma­nata ku’kuruu sulia si do ne fa’aron̄o kulu ania. Si do na tha God e thaun̄aidaki e fatai nia sukwai ­baita nia bia lioto’oa nia. Kulu rikia liothau nia asi do eki sui bo’o nia e thaun̄ai nia. (Psalm 19:1-6; Romans 1:20) Tesi tathala lau kuki thaito’omana tha God e ni ana to’odola sulia Baebol. Ilana nia fa’aron̄o kulu God wane ufita neri. Nia e fa’aron̄o kulu ana manatana te’efau bia si do ne thathamia kulu kuki ilia.—Amos 3:7; 2 Timothy 3:16,17.

[Pictures on page 5]

Kulu to’odo sulia tha God ana thathafalila bia fasia Baebol