Baibil ra praki kaikanka bara maprika lilkika nani taki ba nahki wan tânka briaia sip sa

Baibil ra maprika lilka bara praki kaikanka ailal kaikaia sip sa. Ban sakuna, upla aihkika ra Baibil aisi kaikisa piua ra baha nani tânka briaia karna munisa (Mt. 13:13). Kaisa laki kaikaia baha tânka briaia dukiara hilpka yumhpa nani:

• Dîa wan smalkaia want ba tânka briaia sa bara dîa wal praki kaikan ba. Luki kaiks dîa muni diara kum ba diara wala wal praki kaikan sa bara nahki baha nani ba asla sa. Tânka kum baku, Param Marikan 3:3 ra, Jisas kli balbia ba dukiara aisisa (naha sika smalkanka sa), bara baha piua ra witin âimplikra kum baku balbia wisa (naha sika praki kaikanka sa).

• Lukanka wâl ba nahki asla sa luki kaikaia sa. Yamni kabia naha makabi walanka ra lukaia: “¿Praki kaikanka bara smalkanka ba nahki asla sa?”.

• Praki kaikanka apia kaka maprika lilkika ba dîa mai smalkaia want ba tânka briaia trai muns. Aima kum kum ra, maprika lilkika apia kaka praki kaikanka ba yawan pain wan tânka bribia apia. Tânka kum baku, tâura ra Jisas dukiara maprika lilkika yus munan ba, witin implikaia balbia dukiara aisaras sa. Kau ni, tânka marikisa witin maisa pakras kira ban wina balbia, âimplikra kum dauki ba baku.