MARZO 23-29
AISEYA 48, 49
Lawana sjj 89 bara pura sunra | Tâ krikaia bîla nani (1 min.)
1. Jehova bîla walbia kaka yamnika ailal bribia
(10 min.)
Jehova ai uplika nani ra smalkisa (Ais 48:17; it-S “Maestro, enseñanza” baiki s. 2).
Yawan wahbi sakaia sa Jehova bîla ba walaia (Ais 48:18a; ijwbq-S ulbanka 44 baiki s. 2, 3).
Wan kupia pah lâka ba “awala kum baku” kabia bara wan kasakka lâka ba “kabu ripka nani baku” kabia (Ais 48:18b; lv-S 199 baiki s. 8).
TÂNKA BA: Hibru bîla ra kupia kumi lâka ba tânka marikisa wan wîna tara lainka ra pain kaia, siknis âpu bara diara saura nani wina laihura kaia. Baku sin, wilkanka brisa yamni lâka ra iwaia, pâna lâka briaia, apia kaka wan âuyapah kaia lâka ba wal.
2. Spirit dukia walpa manakira pliki sakaia
(10 min.)
Ais 49:8. ¿Naha prapit dahra aisanka ba ani aimakanka yumhpa brisa? (it-S “Tiempo acepto” baiki s. 1-3).
¿Naha wikka Baibil aisi kaikanka ra dîa spirit dukia walpa manakira nani sakram?
3. Baibil aisi kaikanka ba
(4 min.) Ais 48:9-20 (th lisin 11).
4. Upla wal aisaia tâ kriks
(3 min.) BAN WINA SMALKAIA. Pamalikam kum spirit lainka ra kauhla takan ba ra aisanka pranakira bara Jisas Pruan Kupia Kraukanka ra balbia paiws (lmd sapta 5 numba 3).
5. Upla ra kli wih kaiks
(4 min.) BAN WINA SMALKAIA. Uplika ba Jisas Pruan Kupia Kraukanka ra waia lukisa. Naha aidrubanka nahki dauki ba tânka mariks (lmd sapta 9 numba 3).
6. Upla ra kli wih kaiks
(5 min.) BAN WINA SMALKAIA. Jisas Pruan Kupia Kraukanka asla aidrubanka ba danh takan ba ningkara baha dukiara balan uplika kum makabi walanka nani bri ba ra ansa muns (lmd sapta 8 numba 3).
Lawana sjj 107
7. Mani bilara kau kulkanka tara bri yua ba wina yamnika sâks
(15 min.) Wali nani wal laki kaikbia.
Mani bani Jisas Pruan Kupia Kraukanka ra asla aidrubisa piua ra, Jisas adar wankan ba yawan bîla wali daukisa bara pri sakaia pura mana Jehova prisantka wankan ba dukiara wan tingkika lâka ba sin marikisa (Lk 22:19). Naha piua ra sin, wan kupia kraukisa Jehova bara ai luhpia ba nahki pali latwan wan kaiki ba (Gal 2:20; 1Jn 4:9, 10). ¿Yawan dîa daukaia sip sa Jisas Pruan Kupia Kraukanka piua ba wina yamnika sakaia bara Jehova ra wan tingkika lâka marikaia dukiara? bara ¿naha aidrubanka ra balan uplika nani sim baku daukbia dukiara yawan nahki hilp munaia sip sa?
Yu bani Jisas Pruan Kupia Kraukanka piua ba dukiara wahbi sakan Baibil tikska nani ba aisi kaiks bara tihu luki kaiks.
Pri sakaia pura mana prisantka ba dukiara tihu luki kaiks bara nahki rayakam ra tingkikam lâka marikaia sip sma ba dukiara sin.
Karna trai muns smalkaia warkka ba tâ baikaia bara kakairikam, pamalikam bara man iwisma pliska uplika nani ra aisanka pranakira ra bara Jisas Pruan Kupia Kraukanka ra paiwaia.
Jisas Pruan Kupia Kraukanka ra balan uplika nani ra yamni balram bîla nani yas. Man paiwram uplika nani bara paiwanka brin bara balan uplika wala nani ra hilp munaia dukiara ridi bas, witin nani ra wis ai lamara iwaia sip sma ba.
Wilin taks witin nani makabi walanka kum kum brisa kaka ansa munaia dukiara.
Ridi bas spirit lainka ra kauhla takan kristianka nani ra yamni balram bîla nani yabaia. Kangrigisan almukka nani ba ridi banhwi kabia Jehova witniska kan uplika nani ra yamni balram bîla nani yabaia dukiara.
Jisas ba balan “diara tiwan ba pliki swaki sakaia” dukiara LILKIKA ba mangks. Ningkara makabi wals:
¿Dîa muni tânka tara brisa Jisas Pruan Kupia Kraukanka ra spirit lainka ra kauhla takan kristianka nani ra latwan lâka ni yamni briaia?
8. Kangrigisan Baibil stadika ba
(30 min.) lfb smalkanka 72, 73