Not

b Nonb 11:24-29: “²⁴ Alor, Moiz ti ale ek ti dir lepep bann parol ki Zeova ti dir. Ek li ti rasanble 70 ansien parmi lepep ek li ti fer zot debout toutotour latant. ²⁵ Lerla Zeova ti desann dan enn niaz ek ti koz ar Moiz, ek Zeova ti pran enn parti lespri ki ti lor Moiz ek Li ti met sa lor sakenn parmi sa 70 ansien-la. Ek deswit kouma sa lespri-la ti poz lor zot, zot ti koumans azir kouma bann profet, me zot pa ti refer sa ankor. ²⁶ Ti ena de parmi sa bann zom-la ki ti ankor dan kan. Enn ti apel Eldad ek lot la, Medad. Ek lespri ti poz lor zot, parski zot nom ti lor lalis, me zot pa ti al kot latant. Alor zot ti koumans azir kouma bann profet dan kan. ²⁷ Ek enn zenom ti galoupe ek ti al dir Moiz: ‘Eldad ek Medad pe azir kouma bann profet dan kan!’ ²⁸ Alor Zozwe, garson Noun, serviter Moiz depi so zenes, ti reponn ek ti dir: ‘Moiz mo segner, anpes zot!’ ²⁹ Me Moiz ti dir li: ‘Eski to zalou pou mwa? Non, mo ti pou kontan ki tou pep Zeova ti bann profet ek ki Zeova met so lespri lor zot tou!’”