Not

c 2 Kronik 26:16-21: “¹⁶ Me, deswit kouma li ti vinn for, so leker ti ranpli ar lorgey ziska ki sa inn fini li net, seki ti fer li azir dan enn fason infidel anver so Bondie, Zeova, ek li ti rant dan tanp Zeova pou bril lansan lor lotel lansan. ¹⁷ Deswit pret Azaria ek 80 lezot pret Zeova rant deryer li. ¹⁸ Zot ti lev kont Ouziya ek ti dir li: ‘Li pa bon ki twa, Ouziya, to bril lansan pou Zeova! Se zis bann pret ki bizin bril lansan, parski zot bann desandan Aaron, bann ki’nn sanktifie. Sorti dan tanp, parski to pa finn montre twa fidel, ek Zeova pa pou donn twa okenn laglwar pou sa.’ ¹⁹ Me Ouziya so koler ti mont dan bout so nene, alor ki dan so lame ti ena resipian pou bril lansan. Ek pandan ki li ti pe ankoler kont bann pret, lalep koumans paret lor so fron, devan bann pret pre kot lotel lansan dan lakaz Zeova. ²⁰ Kan sef pret Azaria ek tou bann pret ti tourn ver Lerwa Ouziya, zot ti trouve ki li ti gagn lalep lor so fron! Alor zot degaze zot tir li laba, ek limem li ti sorti bien vit, parski Zeova ti fer li gagn lalep. ²¹ Lerwa Ouziya ti res avek sa lalep-la ziska so lamor, ek li ti kontign res dan enn lakaz separe akoz li ti ena lalep, ek parski ti met li deor dan lakaz Zeova. So garson Yotam ti an-sarz lakaz lerwa, ek ti pe ziz pep dan sa pei-la.”