Not

d Ezekiel 34:11-16: “¹¹ Ala seki Souverin Segner Zeova dir: ‘Ala mo la! Momem mo pou al rod mo bann mouton ek mo pou pran zot swin. ¹² Mo pou pran swin mo bann mouton parey kouma enn berze ki’nn trouv so bann mouton ki’nn perdi ek ki donn zot manze. Mo pou al rod zot dan tou bann plas kot zot finn perdi zour kot ti ena boukou niaz ek kot ti fer bien nwar. ¹³ Mo pou tir zot parmi bann pep, parmi bann pei mo pou rasanble zot. Mo pou amenn zot dan zot pei ek mo pou donn zot manze dan bann montagn Izrael, kot bann ti larivier ek kot bann dimounn reste dan pei-la. ¹⁴ Mo pou donn zot manze dan enn bon patiraz, ek zot pou manz lerb ki trouv lor bann gran montagn Izrael. Laba, zot pou repoze dan enn bon patiraz, ek zot pou manz bann bon lerb ki trouv lor bann montagn Izrael.’ ¹⁵ ‘Momem mo pou nouri mo bann mouton, ek momem mo pou fer zot repoze,’ ala seki Souverin Segner Zeova dir. ¹⁶ ‘Mo pou al rod seki’nn perdi, ek mo pou re-amenn seki’nn al lwin. Mo pou met enn bandaz lor seki’nn blese, ek mo pou fortifie seki feb. Me bann ki gra ek for, mo pou detrir zot. Mo pou ziz zot ek mo pou donn zot pinision ki zot merite.’”