Eski Mo Bizin Vinn enn Temwin Zeova si Mo Aksepte enn Letid Labib?

Non, ou pa oblize vinn enn Temwin Zeova. Bann milyon dimounn kontan etidie Labib avek nou, san ki zot vinn enn manb nou bann lasanble.a Lobzektif sa letid Labib la se pou montre ou ki Labib ansegne. Apre, sakenn deside seki li anvi fer avek seki li finn aprann. Nou kone ki lafwa, li enn kitsoz personel.​—Zozwe 24:15.

Eski mo kapav servi mo prop Labib pandan letid-la?

Wi. Mem si nou kontan servi La Bible. Traduction du Monde Nouveau ki finn ekrir dan enn langaz modern ek ki nou kapav donn ou enn kopi gratis si ou anvi, nou pena okenn problem si ou servi ou prop Labib. Dan preske ninport ki version Labib, ou kapav aprann mesaz lesperans ek delivrans ki Labib ansegne.

Kifer zot donn bann letid Labib ar bann dimounn ki pa pou vinn bann Temwin Zeova?

• Seki motiv nou an premie se lamour pou Bondie Zeova ki anvi ki bann Kretien ansegn lezot seki zot finn aprann. (Matie 22:37, 38; 28:19, 20) Nou panse ki pena pli gran privilez ki “travay ansam avek Bondie” pou ed bann dimounn pou aprann seki so Parol ansegne.​—1 Korintien 3:6-9.

• Nou lamour pou nou prosin osi motiv nou pou ansegn zot Labib. (Matie 22:39) Nou kontan kan nou partaz ar lezot bann kitsoz extraordiner ki nou finn aprann.​—Zistwar Bann Apot 20:35.