Kifer Bann Temwin Zeova Pa Servi Lakrwa pou Ador Bondie?

Boukou dimounn asosie lakrwa avek relizion Kretien. Mem si bann Temwin Zeova zot bann Kretien, zot pa servi lakrwa pou ador Bondie. Kifer?

Labib dir ki Zezi pa ti mor lor enn lakrwa me lor enn poto. Anplis, Labib dir ki bann Kretien bizin “sove devan lidolatri.” Alor, fode pa ki nou servi lakrwa pou ador Bondie.​—1 Korintien 10:14, NTKM; 1 Zan 5:21.

Li interesan pou gete seki Zezi ti dir: “Si zot ena lamour pou zot kamarad, tou dimoun pou kone ki zot mo disip.” (Zan 13:34, 35, NTKM) Alor, se pa lakrwa ouswa enn zimaz ki ti pou permet nou kone kisannla bann vre disip Zezi. Me se lamour sinser ki zot manifeste anver lezot.