Eski Egalite Bann Ras Li Zis enn Rev?​—Ki Labib Dir lor La?

Pou boukou dimounn, egalite bann ras li enn rev ki pa kapav realize.

• “Partou dan lemond, rasism li koumadir enn pwazon ki fer ditor bann lorganizasion, bann group sosial, ek li afekte lavi tou dimounn toulezour. Rasism kontign fer bann dimounn tret zot kamarad dan enn fason inzis.”​—António Guterres, Sekreter Zeneral ONU.

Eski enn zour egalite bann ras pou vinn enn realite? Ki Labib dir lor la?

Fason ki Bondie konsider egalite bann ras

Labib ansegn nou kouma Bondie konsider bann dimounn diferan ras.

• “Apartir enn sel zom [Bondie inn] fer tou bann pep pou ki zot res partou lor later.”​—Zistwar Bann Zapot 17:26.

• “Bondie pa fer preferans, me dan tou nasion dimounn ki ena enn gran respe pou li ek ki fer seki drwat gagn so faver.”​—Zistwar Bann Zapot 10:34, 35.

Labib dir ki tou bann dimounn form parti dan enn sel fami ek ki Bondie aksepte bann dimounn ki sorti dan tou bann ras.

Kouma egalite bann ras pou vinn enn realite?

Se Rwayom Bondie, enn gouvernman ki dan lesiel, ki pou fer egalite bann ras vinn enn realite. Sa gouvernman-la pou ansegn bann dimounn kouma pou tret lezot dan enn bon fason. Bann dimounn pou aprann kouma pou rezet ninport ki santiman rasism ki zot kapav ena.

• “Bann dimounn ki res lor later pou aprann lazistis.”​—Izai 26:9.

• “Vre lazistis pou fer gagn lape, ek vre lazistis pou fer gagn enn trankilite ek sekirite ki dire.”​—Izai 32:17.

Zordi, bann milyon dimounn pe aprann dan Labib kouma pou tret lezot avek respe ek dignite.

• Pou aprann plis, lir magazinn Leve! ki ena tit “Eski Ena enn Remed Kont Prezize?”

• Lir lartik « Comment parler de racisme à votre enfant » an Franse, pou aprann kouma bann paran kapav koz lor sa size-la lakaz.