LABIB SANZ LAVI BANN DIMOUNN

Zot Finn Trouv enn Perl “ki Ena enn Bel Valer”

Zezi finn ansegne ki Rwayom Bondie pou regle tou problem limanite. (Matie 6:10) Dan Matie 13:44-46, li donn de lexanp pou montre ki laverite lor Rwayom Bondie ena valer:

Zimaz: De misie dan lexanp Zezi. 1. Enn misie pe fouye dan enn karo ek li etone ar seki li trouve. 2. Enn lot misie pe trap enn perl ek li pe riye.

Enn misie ki ti pe travay dan enn karo, enn kout ti trouv enn trezor ki ti kasiet.
Enn marsan ki ti pe rod bann zoli perl, ti trouv enn perl ki ena enn bel valer.

Toulede misie ti degaze vann tou seki zot ena pou gagn sa trezor ki zot ti trouve-la. Sa de misie-la reprezant bann dimounn ki Rwayom Bondie telman ena valer pou zot, ki zot dispoze pou fer bann gran sakrifis pou gagn bann benediksion ki Rwayom Bondie pou amene. (Lik 18:29, 30) Dan sa video-la, anou get de dimounn ki parey sa de misie dan lexanp Zezi la.