Bann File Lapes dan Lepok Zezi

Sertin disip Zezi ti bann peser. (Mark 1:16-20) Zot ti servi bann file pou lapes dan Lamer Galile.

Bann dimounn ti pe servi bann difil kouma difil lin pou fer bann file lapes, ek groser may zot bann file ti depann lor bann pwason ki zot ti anvi gagne. Ar bann tipti file, souvan ti ena bann pwa kouma diplon pou ki li koule, me ar bann gran ek long file, anba ti ena bann pwa pou ki li koule ek lao ti ena bann bout dibwa pou ki li flote.

Bann file lapes ti bien ser. Anplis, bann ros ki dan fon lamer ti kapav desir zot. Zot ti kapav desire osi kan bann peser ti gagn tro boukou pwason. (Lik 5:6) Labib dir ki Zak ek Zan “ti pe repar zot bann file,” ek kitfwa zot ti servi enn zegwi ek difil lin pou fer sa. (Mat. 4:21) Bann peser kitfwa ti repar zot bann file sak fwa ki zot ti fini lapes. Lik explike osi ki bann peser ti “lav zot bann file” pou tir bann salte ek bann debri. (Lik 5:2) Apre sa, zot ti met zot bann file sek pou ki li pa pouri.—Eze. 47:10.

Zezi ti invit bann zom ki ti konn servi bann file lapes pou “lapes bann dimounn,” setadir pou pres bon nouvel.