Parey Kouma Abdias, Ena enn Gran Respe pou Bondie

Abdias ti responsab lakaz Lerwa Akab, ki ti enn move lerwa ek ki ti les bann Izraelit ador Baal. Selman, “depi ki [li] zenn,” Abdias ti ena enn gran respe pou Zeova. (1 Ler. 18:1-13) Alor, kan Larenn Zezabel ti donn lord pou touy tou bann profet Zeova, Abdias ti kone ki li ti bizin ena kouraz ek fer kitsoz pou ed zot. Mem si sa ti bien danzere pou kasiet enn sel profet Zeova, Abdias ti kasiet 100 profet. Li ti osi amenn manze pou zot, mem si ti ena lafaminn sa lepok-la. Sey mazine ki kantite sa ti difisil pou Abdias fer sa, deryer ledo bann santenn fos profet ki ti pe servi lerwa ek larenn!—1 Ler. 18:19.

Ki leson nou aprann ar lexanp Abdias? Abdias ti ena enn gran respe pou Zeova, ek mem si li ti per Lerwa Akab, li ti plis per pou desevwar Zeova. Li ti telman ena enn gran respe pou Zeova ki sa ti donn li kouraz pou riske so lavi pou protez so bann frer. Nou osi, nou bizin fer zefor pou ena enn gran respe pou Zeova, sirtou si nou pe viv dan enn pei kot gouvernman interdi nou laktivite. Kan nou ena enn gran respe pou Zeova, sa pou donn nou lafors pou soutenir nou bann frer ek ser ki pe gagn bann leprev.