Maryaz​—Enn Lekip pou Lavi

Bann Kretien ki ena enn zoli lavi maryaz onor Zeova ek gagn boukou lazwa. (Mk 10:9) Bann Kretien bizin swiv bann prinsip Labib kan zot pe swazir avek kisannla zot pou marye pou ki zot maryaz al lontan ek ki zot ere.

Li pa saz ki de dimounn frekante kan zot ankor “tro zenn,” parski an zeneral, pandan sa peryod-la ena bann dezir sexiel bien for ki kapav anpes zot pran enn bon desizion. (1Ko 7:36, NW) Servi bann lane kot to selibater pou fer to lamitie avek Zeova vinn pli for ek pou devlop bann kalite Kretien. Sa pou ed twa pou vinn enn pli bon mari ouswa enn pli bon madam ek to pou ena enn zoli lavi maryaz.

Avan ki to aksepte pou marye avek enn kikenn, pran letan pou kone ‘seki li vremem ete andan.’ (1Pi 3:4, NW) Si to trouv bann kitsoz ki fer twa trakase, koz ar dimounn-la. Seki pli inportan, se pa seki nou kapav gagne me seki nou kapav done. Dan maryaz osi, li parey. (Fil 2:3, 4) Si to aplik bann prinsip Labib avan to maryaz, li pou pli fasil pou to kontign fer sa apre to maryaz ek sa pou ed twa pou ena enn zoli lavi maryaz.

GET VIDEO PREPAR TWA POU MARYAZ​—3em PARTI: ’KALKILE KOMIE SA POU KOUTE,’ EK APRE SA, REPONN SA BANN KESTION-LA:

• Dan koumansman, kouma frekantasion sa ser-la ti pe pase?

• Ki li’nn remarke kan li’nn aprann konn Shane pli bien?

• Kouma so bann paran ti ed li, ek ki bon desizion li’nn pran?