Fer Pionie

Nou servi nou lenerzi bien kan nou fixe bann lobzektif pou fer plis pou Zeova. (1Ko 9:26) Pa res boukou letan avan lafin, alor kan nou fixe bann lobzektif, sa ed nou pou bien servi nou letan. (Ef 5:15, 16) Pandan ladorasion an fami, koz lor bann lobzektif ki lafami kapav fixe pou nouvo lane servis. Dan sa kaye-la, plizir lartik pou koz lor bann diferan lobzektif ki to kapav fixe. To kapav reflesi ek priye lor la.​—Zak 1:5.

Par exanp, eski lafami kapav ede pou ki omwin enn parmi zot fer pionie permanan? Si to per atansion to pa reisi gagn to ler, koz avek bann pionie ki dan mem sitiasion ki twa. (Pr 15:22) To kapav mem invit enn pionie pou to ladorasion an fami. To kapav osi fer bann program ki adapte ar to sitiasion. Si to’nn deza fer pionie dan lepase, gete si aster to sitiasion permet twa pou repran to servis.

Eski sertin manb dan to fami kapav fer pionie tanporer pou enn mwa ouswa plizir mwa? Si to santi ki to pena ase lafors pou fer sa, kitfwa to kapav organiz twa pou pres enn tigit toulezour. Si to pena boukou letan dan lasemenn parski to travay aplintan ouswa to al lekol, to kapav swazir enn mwa kot ena bann konze piblik ouswa sink wikenn. Ekrir lor enn kalandriye kan to pe pans pou fer pionie tanporer ek fer enn program.​—Pr 21:5.

GET VIDEO ENA KOURAZ ANTAN KI BANN . . . PIONIE, EK APRE SA, REPONN SA KESTION-LA:

• Kouma seki Ser Aamand inn viv montre ki Zeova pran swin bann ki fer sakrifis pou fer pionie?