Eski To Dispoze Pou Fer Lekol pou Bann Evanzelizater Rwayom Bondie?

Eski to ena ant 23 ek 65 an ek to dan servis aplintan? Eski to ena enn bon lasante, ek to kapav al servi kot bizin led? Si to’nn reponn wi pou sa bann kestion-la, eski to’nn pans pou asiste Lekol pou Bann Evanzelizater Rwayom Bondie? Depi premie klas, bann milye koup, frer, ek ser selibater finn demande pou asiste sa lekol-la. Me selman, nou bizin ki plis frer selibater asiste sa lekol-la. Demann Zeova pou ogmant to dezir pou fer Li plezir ek pou imit so Garson. (Ps 40:8; Mt 20:28; Eb 10:7) Apre sa, pou ki to kapav ranpli bann kondision pou fer sa lekol-la, gete kouma to kapav diminie to bann responsabilite personel ouswa kantite letan ki to travay.

Apre ki sertin finn gagn sa formasion-la, ki bann laport finn ouver pou zot dan zot servis pou Zeova? Sertin finn al servi dan bann landrwa kot koz enn lot lang ouswa partisip dan temwaniaz piblik dan bann gran lavil. Lezot plitar finn servi kouma ranplasan responsab sirkonskripsion, kouma responsab sirkonskripsion, ouswa kouma misioner. Pandan ki to pe reflesi lor seki to kapav fer dan to servis pou Zeova, nou swete ki to ena mem latitid ki profet Izai ki ti dir: “Ala mo la! Avoy mwa!”​—Iz 6:8.

GET VIDEO BANN MISIONER TRAVAY POU LAREKOLT, EK APRE SA REPONN SA BANN KESTION-LA:

• 

  Kouma swazir bann misioner?

• 

  Ki bon travay bann misioner fer?

• 

  Ki sertin benediksion bann misioner gagne dan zot servis?