Mwa Out, enn Mwa ki Zame Nou Pa Pou Bliye!

1. Ki kanpagn spesial pou ena lor later antie sa lane-la?

¹ Biento sa pou fer 100 an depi ki Rwayom Bondie finn etabli dan lesiel. Alor li bien apropriye ki nou onor Jéhovah atraver enn kanpagn spesial! Pandan mwa Out, dan lemond antie, nou pou distribie enn nouvo trak ki ena tem Kotsa Nou Gagn Repons Bann Kestion Inportan dan Lavi? Sa trak-la ankouraz bann lekter pou rod bann repons dan Labib ek li explike kouma jw.org kapav ed zot.

2. Kouma nou osi nou kapav “kriye for-for” pou ki enn gran louanz mont ver Jéhovah pandan mwa Out?

² Kriye For-⁠For pou Donn Loner Jéhovah: Pou ed bann proklamater fer plis dan zot minister, ena enn dispozision spesial ki finn pran: Bann proklamater ki batize pou kapav fer pionie tanporer avek enn lobzektif 30 er dan predikasion. Dan mwa Out ena sink Vandredi, Samdi, ek Dimans. Alor bann proklamater ki travay pou kapav fasilman fer pionie. Bann zenn osi kapav fer pionie pandan zot vakans lekol. Si to ena enn letid ouswa enn zanfan ki pe fer bann progre ek ki anvi vinn enn proklamater, koz sa pli vit posib avek kordinater komite bann ansien. Pandan sa mwa memorab la, li pou enn gran lankourazman pou sa bann nouvo-la retrouv zot ansam avek bann lezot proklamater! Mem si boukou pionie permanan pran konze pandan mwa Out, apre ki zot inn fini gagn zot ler pou enn an, zot kapav adapte zot program pou partisip afon dan sa kanpagn spesial la. Depi asterla mem bann fami kapav gete kouma zot osi zot pou “kriye for-for” pou ki enn gran louanz mont ver Jéhovah pandan mwa Out.​—Ezra 3:11; Prov. 15:22.

3. Ki nou espere pou sa kanpagn spesial la?

³ Mem si nou’nn deza partisip dan bann kanpagn koumsa avan, nou espere ki sannla la zame nou pa pou bliye. Eski nou kapav fer an-sort ki pandan mwa Out, kantite ler, proklamater, ek pionie tanporer, ogmante? Amezir ki lane servis 2014 pe al fini, nou espere ki Jéhovah beni tou zefor ki so pep pou fer lor later antie pou rann enn gran temwaniaz pandan mwa Out, kouma zame zot inn fer avan!​—Mat. 24:14.