Konteni

Pou pep Zeova, bann sante finn touletan ena enn gran linportans dan zot ladorasion. Selman, kitfwa sertin santi zot malalez pou sant devan lezot. Kouma nou kapav aprann pou sant bann louanz pou Zeova avek lasirans? Sa lartik-la donn nou bann bon rezon pou sant for dan lazwa. Li donn osi bann sigzesion pou amelior nou lavwa pou sante.

Nou aprann bann leson inportan ar dispozision ki ti ena dan lepase dan Izrael konsernan bann lavil refiz. Dan premie lartik, nou pou gete kouma bann ki fer pese kapav rod proteksion Zeova azordi. Dan deziem lartik, nou pou gete kouma lexanp Zeova kapav ed nou pou pardonn lezot, pou respekte lavi, ek pou azir avek lazistis.

Sa de lartik-la baze lor let ki Bondie ti inspir Pol pou ekrir bann Kretien dan Kolos. Premie lartik-la explik nou seki nou bizin fer kan nou tann bann rezonnman ki paret lozik ki ena dan lemond. Deziem lartik-la explik nou kouma nou kapav rezet bann latitid ki kapav anpes nou gagn benediksion Zeova.