NOU LAVI KRETIEN
Ranforsi To Lafwa dan Parol Bondie
Parol Bondie kapav sanz nou lavi. (Eb 4:12) Me selman pou nou profit direksion ek konsey ki ena dan Labib, nou bizin sir ki li “enn parol ki vremem sorti kot Bondie.” (1Tes 2:13) Kouma nou kapav ranforsi nou lafwa dan Labib?
Lir Labib toulezour. Amezir ki to lir Labib, rod bann prev ki montre ki se Zeova ki finn fer ekrir Labib. Par exanp, etidie bann konsey ki ena dan liv Proverb ek gete kouma sazes ki ena ladan, li ankor itil pou nou azordi.—Pr 13:20; 14:30.
Swazir enn size pou etidie. Rod bann prev ki montre ki Labib li Parol Bondie. Dan Liv Resers pou Bann Temwin Zeova, swazir “Labib” ek apre, al dan seksion “Inspire par Bondie.” Kan to examinn bann linformasion ki ena dan Latour Degard No. 4 2016, ki montre ki mesaz ki ena dan Labib pa’nn sanze, sa kapav ranforsi to lafwa.
GET VIDEO KIFER NOU ENA LAFWA DAN . . . PAROL BONDIE, EK APRE SA, REPONN SA BANN KESTION-LA:
Kouma seki finn dekouver lor miray enn tanp dan Karnak, Lezip, montre ki Parol Bondie li vre?
Kouma nou kone ki mesaz ki ena dan Labib pa’nn sanze?
Labib ankor existe azordi mem si bann dimounn ti rod detrir li. Kouma sa montre twa ki li vremem Parol Bondie?—Lir Izai 40:8