Trwa Fason pou Kont lor Zeova

David ti gagn laviktwar lor Goliat parski li ti kont lor Zeova. (1Sa 17:45) Zeova anvi montre so lafors anver tou so bann serviter. (2Kr 16:9) Olie ki nou kont lor nou prop lexperyans ek kapasite, kouma nou kapav kont lor led ki Zeova donn nou? Ala trwa fason:

• Priye souvan. Pa zis priye pou gagn pardon kan to’nn fini fer enn erer, me priye osi kan to tante pou fer enn move kitsoz. (Mt 6:12, 13) Pa zis priye Zeova pou beni bann desizion ki to’nn fini pran me priye osi pou gagn so led ek so sazes avan to pran bann desizion.​—Zak 1:5

• Lir ek etidie Labib. Lir Labib toulezour. (Ps 1:2) Medit lor bann lexanp ki ena dan Labib ek bann leson ki nou kapav tire. (Zak 1:23-25) Prepar twa bien pou to minister olie ki to kont lor to prop lexperyans. Pou to tir profi ar bann renion, prepar twa bien alavans.

• Korper avek lorganizasion Zeova. Res azour avek bann dernie linstriksion ki lorganizasion pe done, swiv zot san tarde. (Nb 9:17) Ekout bien bann ansien kan zot donn bann konsey ek bann linstriksion.​—Eb 13:17, NW

GET VIDEO PA BIZIN PER PERSEKISION, EK APRE SA, REPONN SA BANN KESTION-LA:

• Ki bann laper nou bann frer ek ser ti ena?

• Ki finn ed zot pou sirmont zot laper?