Konsider Bann Madam ki Aze Kouma Zot Mama, ek Bann ki pli Zenn Kouma Zot Ser

Labib ankouraz nou pou konsider bann Kretien ki aze kouma nou mama ek nou papa, ek bann ki pli zenn kouma nou bann frer ek ser. (Lir 1 Timote 5:1, 2.) Li inportan ki bann frer tret bann ser avek dignite ek respe.

Zame enn frer pa pou fer zes avek enn ser ouswa fer enn kitsoz ki pou met li malalez. (Zb 31:1) Enn frer selibater pa pou zwe avek santiman enn ser selibater. Par exanp, frer-la zame pa pou azir dan enn fason ki pou fer ser-la krwar ki li interese avek li, alor ki li pena okenn lintansion pou frekante ek marye.

Si, avek respe, enn ser pe poz enn kestion ouswa pe atir latansion enn ansien lor enn kitsoz, avek zantiyes, ansien-la pou pran kont seki ser-la pe dir. Ek bann ansien pou sirtou ena konsiderasion pou bann ser ki vev.​—Rt 2:8, 9.

GET VIDEO MONTRE ENN LAMOUR KI ZAME PA FINI DAN LASANBLE KRETIEN​—ANVER BANN VEV EK ORFELIN, EK APRE SA, REPONN SA BANN KESTION-LA:

• 

  Kouma eski lasanble finn montre enn lamour ki zame pa fini anver Ser Myint?

• 

  Kouma lamour ki lasanble finn montre finn donn enn zoli temwaniaz dan vilaz sa ser-la?

• 

  Ki lefe lamour ki lasanble finn montre finn ena lor Ser Myint so bann tifi?

Sit bann kitsoz pratik ki to kapav fer pou montre to lamour anver bann ser dan to lasanble.