Pran Swin To Relasion Avek Zeova

Bann Temwin Zeova ena enn gran privilez. Antan ki bann Kretien ki vwe ek batize, nou touletan fer zefor pou kiltiv enn relasion profon ek personel avek Souverin Segner Zeova. Li finn atir nou ver Li atraver so Garson. (Zn 6:44) Li ekout nou bann lapriyer.​—Ps 34:15, NW.

Nou relasion avek Bondie ena boukou valer, me kouma nou kapav protez li? Fode pa nou fer bann move kitsoz ki bann Izraelit ti fer. Enn tigit letan apre ki zot ti aksepte lalians ki Zeova ti fer avek zot, zot ti fer enn vo an-or ek zot ti tom dan lidolatri. (Ex 32:7, 8; 1Ko 10:7, 11, 14) Nou kapav demann noumem: ‘Kouma mo reazir kan mo bizin fer fas ar enn tantasion? Eski mo bann aksion montre ki mo pe pran swin mo relasion avek Zeova?’ Enn gran lamour pou nou Papa ki dan lesiel pou ed nou pou sove devan bann kitsoz ki li deteste.​—Ps 97:10.

GET VIDEO PROTEZ TO RELASION AVEK ZEOVA (KOL 3:5), EK APRE REPONN SA BANN KESTION-LA:

• Ki savedir anvie lezot?

• Kifer nou bizin rezet lanvi exazere ek lidolatri?

• Ki lien ena ant ladilter ek lidolatri?

• Kifer sirtou bann ki ena bann responsabilite dan lorganizasion ki bizin fer sir ki zot pran swin zot konzwin?