Ki To Kapav Aprann ar Bann Kretien Ki Aze?

Dan nou bann lasanble ena bann frer ek ser ki pe servi Zeova depi bann dizenn lane. Nou kapav aprann boukou ar fason ki zot finn kont lor Zeova. Nou kapav poz zot bann kestion lor listwar lorganizasion Zeova ek kouma Zeova finn ed zot pou sirmont bann difikilte. Nou kapav invit enn parmi zot pou nou Ladorasion an Fami ek demann li pou rakont nou so lexperyans.

Si to enn frer ouswa enn ser ki aze, pa ezite pou koz lor to lafwa ar bann Kretien ki pli zenn. Zakob ek Zozef ti partaz zot lexperyans ar zot bann desandan. (Ze 48:21, 22; 50:24, 25) Plitar Zeova ti dir bann sef fami ki zot bizin ansegn zot bann zanfan bann kitsoz extraordiner ki Li ti fer. (Dt 4:9, 10; Ps 78:4-7) Dan nou lepok, bann paran ek lezot dan lasanble kapav partaz ar zenerasion ki pe leve bann kitsoz extraordiner ki zot finn trouv Zeova fer atraver so lorganizasion.

GET VIDEO GARD LINITE PANDAN LINTERDIKSION, EK APRE SA, REPONN SA BANN KESTION-LA:

• Kouma eski biro nasional Lotris ti ed nou bann frer dan sertin pei kan ti ena linterdiksion?

• Kouma bann frer dan sa bann pei-la ti gard zot lafwa for?

• Kouma boukou proklamater dan Roumani ti kit lorganizasion Zeova, ek kouma eski zot ti retourne?

• Kouma eski sa bann lexperyans-la fortifie to lafwa?