NOU LAVI KRETIEN
Viv To Lavi pou Donn Zeova Laglwar!
Lavi se enn don ki ena boukou valer. Fason ki nou servi sa don-la toulezour montre ki kantite nou apresie sa don-la. Antan ki bann Temwin Zeova, nou fer enn gran zefor pou servi nou bann talan ek kapasite pou donn loner ek laglwar Zeova, Limem ki’nn kree nou. (Ps 36:9, NW; Rev 4:11, NW.) Me selman, bann traka ki nou gagne toulezour dan sa move lemond-la, kapav fasilman fer ki nou bann aktivite spiritiel nepli nou priorite. (Mk 4:18, 19) Sakenn parmi nou bizin demann limem: ‘Eski vremem mo pe donn Zeova mo best? (Os 14:2) Kotsa mo travay ouswa mo karyer pe amenn mwa? Ki mo bann lobzektif spiritiel? Kouma mo kapav fer plis dan mo minister?’ Si to trouve ki to kapav ameliore, priye Zeova pou ed twa ek fer bann sanzman ki bizin. Pena dout, kan nou donn Zeova louanz toulezour nou gagn satisfaksion ek nou ere!—Ps 61:8, NW.
Ar kisannla to pe donn to bann talan?
GET VIDEO SERS-TOI DE TES TALENTS POUR JÉHOVAH, EK APRE, REPONN SA BANN KESTION-LA:
Kifer li pa saz pou servi to bann talan dan lemond Satan? (1Zn 2:17)
Ki bann benediksion enn dimounn gagne kan li donn Zeova so best?
Dan ki diferan form servis sakre to kapav donn to bann talan ek to bann kapasite?