NOU LAVI KRETIEN
Kan Prosenn Fwa Mo Pou Kapav Fer Pionie Tanporer?
Vizion ki Ezekiel ti gagne lor tanp montre ki pep Zeova pou fer bann don volonter. Kouma personelman nou kapav partisipe pou fer bann sakrifis louanz?—Eb 13:15, 16, NW.
Enn bon fason pou fer sa, se kan nou fer pionie tanporer. Pandan lane servis 2018, pou ena plizir mwa kot pou ena sink Samdi ouswa sink Dimans. Sa pou sirtou ed bann ki ena enn travay aplintan ek ki prese sirtou pandan wikenn. Anplis, bann proklamater pou kapav swazir pou fer ant 30 ouswa 50 er pandan bann mwa Mars ek Avril ek pandan mwa kot sirveyan sirkonskripsion pou vizit zot kongregasion.
Ki nou kapav fer si nou sitiasion pa permet nou fer pionie tanporer? Nou kapav fer plis zefor pou amelior kalite nou minister ek kitfwa osi ogmant kantite letan ki nou pase dan nou minister. Dan ninport ki sitiasion nou ete, ki nou lamour pou Zeova pous nou pou ofer li nou best pandan lane servis 2018!—Os 14:2.
Kouma mo kapav imit zel Sabina Hernández?
GET VIDEO GRÂCE À JÉHOVAH, JE PEUX PRESQUE TOUT FAIRE. APRE SA, REPONN SA BANN KESION-LA:
Ki motiv Sabina pou fer plis dan so servis pou Zeova?
Kouma lexanp Sabina ankouraz twa?
Pandan lane 2018, pandan ki bann mwa to kapav fer pionie tanporer?