Revizion Lekol Minister Teokratik
Nou pou examinn bann kestion ki lor sa fey-la dan Lekol Minister Teokratik pandan semenn ki koumans apartir 31 Out 2015.
Ki bann verite nou aprann lor Zeova ki bien ankourazan pou nou lafwa, nou trouve dan lapriyer Salomon, ek ki bienfe nou pou gagne kan nou medit lor sa bann verite-la? (1 Ler. 8:22-24, 28) [6 Ziliet, w05-CE 1/8 p. 30 ¶3]
Kouma nou kapav imit lexanp David ki ti servi Zeova avek “lintegrite dan so leker”? (1 Ler. 9:4) [13 Ziliet, w12-CE 1/11 p. 12 ¶18-19]
Ki leson inportan nou kapav tire kan Zeova ti avoy Eliya ver enn vev dan lavil Sarfat? (1 Ler. 17:8-14) [27 Ziliet, w14-CE 15/2 p. 14]
Kan nou medit lor resi ki trouv dan 1 Lerwa 17:10-16, kouma sa kapav ed nou pou ena plis konfians an Zeova? [27 Ziliet, w14-CE 15/2 p. 13-15]
Ki bienfe nou kapav gagne ar lexanp Eliya kan li ti fer fas ar bann santiman negatif? (1 Ler. 19:4) [3 Out, ia p. 102-103 ¶10-12; w14-CE 15/3 p. 15 ¶15-16]
Kouma Zeova ti reazir kan Li ti trouv so fidel profet Eliya dekouraze, ek kouma nou kapav imit nou Bondie ki ena lamour? (1 Ler. 19:7, 8) [3 Out, w14-CE 15/6 p. 27 ¶15-16]
Ki move latitid Lerwa Ahab ti ena, ek kouma bann Kretien zordi kapav evite fer mem erer? [10 Out, lv p. 164-165, lankadre; w14-CE 1/3 p. 14 ¶3-4]
Ki nou aprann ar lexanp Elisha kan li ti demann Eliya “de par” so lespri, ek kouma sa kapav ed nou kan nou gagn enn nouvo responsabilite dan servis Zeova? (2 Ler. 2:9, 10) [17 Out, w03-F 1/11 p. 31 ¶5-6]
Kouma bann zenn kapav imit lafwa ek kouraz sa zenn tifi Izraelit ki mansione dan 2 Lerwa 5:1-3? [24 Out, w12-CE 1/2 p. 20 ¶11]
Ki bann kalite Yeou ti ena ki tou bann serviter Zeova bizin fer zefor pou imite pandan lepok lafin? (2 Ler. 10:16) [31 Out, w11-F 15/11 p. 5 ¶4]