Ki Ou Pou Fer Pandan Konze Piblik?

Bann zour kot ena fet relizie ek konze piblik, boukou dimounn dan lakaz, alor se bann bon moman pou sorti predikasion. Lorganizasion ankouraz bann kongregasion pou fer bann laranzman spesial pou prese dan bann zour konze. Si boukou dimounn dan teritwar pou dormi ziska tar, alor kitfwa li pou bon ki kongregasion sanz ler renion predikasion. Pandan Renion Servis, kapav fer enn lanons pou inform kongregasion ki bann laranzman spesial inn fer pou prese zour konze piblik, ek ankouraz tou bann ki kapav pou sorti predikasion sa zour-la. Biensir, bann zour konze donn nou lokazion pou repoze ouswa pou okip nou bann kitsoz personel. Me, kifer ou pa profit enn parti letan ladan pou prese? Pena dout ki se kan ou partisip dan sa servis sakre la ki ou pou gagn vre satisfaksion.​—Mat. 11:29, 30.